قالا تۇرعىندارىنىڭ ءومىر ساپاسىن جاقسارتۋ جانە بالالاردىڭ بوس ۋاقىتىن ءتيىمدى وتكىزۋىنە جاعداي جاساۋ ماقساتىندا تۇركىستاندا جاڭا ويىن جانە سپورت الاڭشالارى پايدالانۋعا بەرىلدى.
اكىم ازىمبەك پازىلبەكۇلىنىڭ تاپسىرماسىمەن بيىلعى جىلى 9 زاماناۋي الاڭشا سالىنىپ، حالىق يگىلىگىنە ۇسىنىلدى. بۇل باستاما قالا باسشىسىنىڭ تۇرعىندارمەن كەزدەسۋى كەزىندە كوتەرىلگەن ۇسىنىستاردى جۇزەگە اسىرۋ ناتيجەسىندە قولعا الىنعان بولاتىن.
قۇرىلىس جۇمىستارى بيىل اقپان ايىندا باستالىپ، بۇگىندە تولىق اياقتالدى. بارلىق نىساندار ساپا مەن قاۋىپسىزدىك تالاپتارىنا ساي جابدىقتالعان. سونىمەن بىرگە، اۋماق اباتتاندىرىلىپ، كوگالداندىرىلدى. تۇرعىندار ءۇشىن ينجەنەرلىك ينفراقۇرىلىم دا قاراستىرىلدى.
ايتا كەتسەك، قازىرگى تاڭدا تۇركىستان قالاسىندا 250-گە جۋىق ويىن جانە سپورت الاڭشاسى جۇمىس ىستەپ تۇر.
ۇقساس جاڭالىقتار
