Türkıstan qalasynda beinebaqylau kameralaryn qasaqana büldırgen ekı er adam ūstaldy. Qylmys beinebaqylau jüielerınıŋ kömegımen aşylǧan,dep habarlaidy "Adyrna".
Oqiǧa tüngı saǧat 01:00 şamasynda qala köşelerınıŋ bırınde bolǧan. Betterın maskamen japqan ekı azamat ūzyn aǧaşty paidalanyp, bırneşe kamerany ısten şyǧarǧan.
Sonyŋ saldarynan 700 myŋ teŋgeden astam materialdyq şyǧyn keltırılgen.
Poliseiler küdıktılerdı anyqtau üşın jaqyn maŋdaǧy kameralardyŋ jazbalaryn mūqiiat qarap, olardyŋ qozǧalys baǧytyn belgılegen. Jedel ızdestıru şaralarynyŋ nätijesınde ekı küdıktı de qolǧa tüstı.
Aldyn ala mälımet boiynşa, olar būl äreketke jol erejesın būzǧany üşın salynǧan aiyppūlǧa narazylyq retınde barǧandaryn aitqan.
Atalǧan derek boiynşa bötennıŋ mülkın qasaqana büldıru faktısımen qylmystyq ıs qozǧaldy. Qazır sotqa deiıngı tergeu amaldary jürgızılude.
