بۇگىن، 27 ناۋرىز كۇنى ماڭعىستاۋ وبلىسى اكىمىنىڭ ءبىرىنشى ورىنباسارى اسحات ورالوۆتىڭ توراعالىعىمەن سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيا وتىرىسى ءوتتى. وتىرىسقا كوميسسيا مۇشەلەرى، مەملەكەتتىك ورگانداردىڭ باسشىلارى، قۇقىق قورعاۋ جانە باقىلاۋشى قۇرىلىمداردىڭ وكىلدەرى قاتىستى.
كۇن تارتىبىندە مەملەكەتتىك ورگاندار قىزمەتىندەگى سىبايلاس جەمقورلىق تاۋەكەلدەرى جانە ولاردىڭ الدىن الۋ شارالارى قارالدى. قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى قۋانىش ءادىلحانوۆ بايانداما جاساپ، انىقتالعان زاڭبۇزۋشىلىقتار، جۇيەلى تاۋەكەلدەر جانە جۇرگىزىلىپ جاتقان پروفيلاكتيكالىق جۇمىستاردىڭ ناتيجەلەرىن ءبولىستى.
وتىرىس بارىسىندا اسحات ورالوۆ سىبايلاس جەمقورلىققا قارسى كۇرەس مەملەكەتتىك ساياساتتىڭ باسىم باعىتى ەكەنىن، بۇل جۇيەلى ءارى ءپرينتسيپتى ءتاسىلدى تالاپ ەتەتىنىن اتاپ ءوتتى.
«مەملەكەت باسشىسى قاسىم-جومارت توقاەۆ سىبايلاس جەمقورلىققا قارسى كۇرەستى «ادىلەتتى قازاقستاندى» قۇرۋدىڭ جانە «زاڭ مەن ءتارتىپ» قاعيداتىن ورنىقتىرۋدىڭ نەگىزگى شارتى دەپ ايقىندايدى. پرەزيدەنت مەملەكەتتىك ساتىپ الۋ جۇيەسىن رەفورمالاۋ، پروتسەستەردى تسيفرلاندىرۋ جانە كۆازيمەملەكەتتىك سەكتورداعى باقىلاۋدى كۇشەيتۋ بويىنشا مىندەتتەر قويىپ وتىر. وسىعان بايلانىستى ءبىز سىبايلاس جەمقورلىق تاۋەكەلدەرىنە جول بەرىلمەيتىن ءتيىمدى ءارى اشىق جۇيە قالىپتاستىرۋعا مىندەتتىمىز. سىبايلاس جەمقورلىق – قوعامنىڭ مەملەكەتكە دەگەن سەنىمىنە تىكەلەي قاۋىپ. ءبىز ءتىپتى ءبىر عانا فاكتىگە كوز جۇما المايمىز. ءاربىر باسشى ءوزىنىڭ جەكە جاۋاپكەرشىلىگىن تۇسىنۋگە ءتيىس»، – دەپ اتاپ ءوتتى اسحات ورالوۆ.
كەڭەس قورىتىندىسى بويىنشا اسحات ورالوۆ قابىلدانعان ۇسىنىمداردىڭ ورىندالۋىن قاتاڭ باقىلاۋ، قۇقىقبۇزۋشىلىقتاردىڭ الدىن الۋ بويىنشا باقىلاۋدى كۇشەيتۋ، مەملەكەتتىك قىزمەت پەن مەملەكەتتىك ساتىپ الۋ سالاسىنداعى سىبايلاس جەمقورلىق تاۋەكەلدەرىن ازايتۋ، زاڭنامانىڭ بىركەلكى قولدانىلۋىن جانە بەلگىلەنگەن شەكتەۋلەردىڭ ساقتالۋىن قامتاماسىز ەتۋ، سونداي-اق جىبەرىلگەن قۇقىقبۇزۋشىلىقتار ءۇشىن باسشىلاردىڭ جەكە جاۋاپكەرشىلىگىن ارتتىرۋ بويىنشا ناقتى تاپسىرمالار بەردى.
سونىمەن قاتار مەملەكەتتىك ورگاندار قىزمەتكەرلەرىنىڭ قاتىسۋىمەن ءتۇسىندىرۋ جانە پروفيلاكتيكالىق ءىس-شارالار ۇيىمداستىرۋ، سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى جۇمىستى جانداندىرۋ تاپسىرىلدى.
وسى تاپسىرمالاردىڭ ورىندالۋى ەرەكشە باقىلاۋدا بولادى، ال وڭىردە سىبايلاس جەمقورلىقتىڭ الدىن الۋ جۇمىستارى جۇيەلى ءارى قاعيداتتى تۇردە جالعاسادى.
