Öskemende Şyǧys Qazaqstan oblysy äkımınıŋ orynbasary Jaqsylyq Omarǧa qatysty sot prosesı öttı, dep habarlaidy "Adyrna" ūlttyq portaly.
Is Öskemen qalasynyŋ qylmystyq ıster jönındegı audanaralyq sotynda qaraldy. Sot otyrysy aşyq rejimde jäne qysqartylǧan tärtıppen ötken.
Sot şeşımımen aiyptaluşy prosess aiaqtalǧanǧa deiın qamauda qalady. Sudia būltartpau şarasyn özgertuge negız joq dep tanydy.
«Sottaluşyǧa qatysty “küzetpen ūstau” būltartpau şarasy özgerıssız qaldyrylsyn, merzımı sot ıstı qarap bıtkenge deiın ūzartylsyn», – delıngen qaulyda.
Jaqsylyq Omarǧa Qylmystyq kodekstıŋ ekı baby boiynşa aiyp taǧylǧan. Atap aitqanda, 190-baptyŋ 3-bölıgı – alaiaqtyq (aldau nemese senımdı terıs paidalanu arqyly bötennıŋ mülkın jymqyru), sondai-aq 366-baptyŋ 3-bölıgı – ırı kölemde para alu deregı boiynşa küdıkke ılıngen.
Eske salaiyq, şeneunık aqpan aiynda ūstalǧan. Tergeu jūmystaryn Ūlttyq qauıpsızdık komitetı janyndaǧy Sybailas jemqorlyqqa qarsy qyzmet jürgızgen
