اقتوبەدە اناسىن ءولتىرىپ، اجەسىنە پىشاقپەن شابۋىل جاسادى دەپ ايىپتالعان 11-سىنىپ وقۋشىسىنا قاتىستى سوت ۇكىمى شىقتى، دەپ حابارلايدى “ادىرنا” ءتىلشىسى.
“دياپازون” جازۋىنشا، سوت ءجاسوسپىرىمنىڭ پسيحيكالىق اۋرۋعا شالدىققانىن انىقتاپ، ونى ءماجبۇرلى ەمدەۋگە جىبەرۋ تۋرالى شەشىم قابىلدادى.
وقيعا 2025 جىلدىڭ 2 جەلتوقسانىندا قالا ورتالىعىنداعى پاتەردە بولعان. ءجاسوسپىرىم 41 جاستاعى اناسىنا شابۋىل جاساعان. ايەل وقيعا ورنىندا قازا تاپقان. 72 جاستاعى اجەسى دە جاراقات الىپ، اۋرۋحاناعا جەتكىزىلگەن. دارىگەرلەر ونىڭ ءومىرىن ساقتاپ قالعان.
سوتتا ءجاسوسپىرىمنىڭ پسيحيكالىق اۋرۋى بۇعان دەيىن جاقىندارىنا بايقالماعانى ايتىلدى. بۇعان دەيىن ول جەكە مەكتەپتە وقىپ، جاقسى ۇلگەرگەن. كورشىلەرى ونى تاربيەلى بالا رەتىندە سيپاتتاعان. سوت وتىرىسى ءجاسوسپىرىمنىڭ قاتىسۋىنسىز ءوتتى. ول وسى ۋاقىت بويى پسيحياتريالىق اۋرۋحانادا بولعان.
سوت ونى كىسى ءولتىرۋ جانە كىسى ولتىرۋگە وقتالۋ باپتارى بويىنشا كىنالى دەپ تانىعانىمەن، پسيحيكالىق جاعدايىنا بايلانىستى قىلمىستىق جازا تاعايىندامادى. ونىڭ ورنىنا پسيحياتريالىق ستاتسيونارعا ءماجبۇرلى ەمدەلۋگە جىبەرىلدى.
