Oqu-aǧartu ministrlıgı oqu baǧdarlamalarynyŋ mazmūnyn küşeituge jäne oqu qoryn jaŋartuǧa bet būrǧaly otyr. Būl turaly Ükımet otyrysynda Oqu-aǧartu ministrı Jūldyz Süleimenova mälımdedı, dep habarlaidy «Adyrna» tılşısı.
«Biylǧy 13 nauryzda ötken Digital Qazaqstan jobasy jönındegı keŋeste Memleket basşysyna egjei-tegjeilı baiandalǧandai IT salasyn jäne sifrlyq qūzyretterdı damytuǧa erekşe nazar audarylatyn bolady. Būl öskeleŋ ūrpaqtyŋ boiynda qajettı bılım men daǧdylardy qalyptastyruǧa, bäsekege qabılettı mamandardy daiarlaudy qamtamasyz etuge jäne qarqyndy tehnologiialyq damu jaǧdaiynda eldıŋ äleuetın nyǧaituǧa mümkındık beredı»,- dedı Jūldyz Süleimenova.
Ministr atap ötkendei, bılım berudıŋ bastauyş buynyn nyǧaituǧa basty nazar audarylatyn bolady, öitkenı däl osy kezeŋde balanyŋ odan ärı bılım beru traektoriiasyn qalyptastyratyn bazalyq bılım, daǧdylar men qūndylyqtardyŋ ırgetasy qalanady. Oqu baǧdarlamalarynyŋ mazmūny ǧana emes, oqulyqtardyŋ sapasy da jyl saiyn qaita qaralatyn bolady, sondai-aq 1-synyp oquşylary negızgı pänder boiynşa jūmys däpterlerımen qamtamasyz etıledı.
5-ten 9-synypqa deiıngı kezeŋde eŋbek naryǧyndaǧy özgerısterge jäne ekonomikanyŋ adami kapitaldy damytuǧa baǧdarlanuy maŋyzdy faktorǧa ainalady. Būl prosester bılım beru standarttaryn ırgelı ǧylymdardy tereŋ zertteuge basa nazar audara otyryp qaita qarauǧa alǧyşart tudyrady.
Sonymen qatar «Qazaqstan geografiiasy» pänı 8-9 synyptarda aptasyna qaitadan ekı saǧat oqytyla bastaidy.
