الماتى وبلىسى ىشكى ساياسات باسقارماسىنىڭ باسشىسى تاعايىندالدى

الماتى وبلىسى ىشكى ساياسات باسقارماسىنىڭ باسشىسى لاۋازىمىنا تولەگەن جولمىرزاۇلى كەنجەبەكوۆ تاعايىندالدى.

تولەگەن كەنجەبەكوۆ 1986 جىلى تۋعان. ءبىلىمى جوعارى، جەتىسۋ مەملەكەتتىك ۋنيۆەرسيتەتىندە «قازاق ءتىلى مەن ادەبيەتى»، قۇقىق جانە ەكونوميكا اكادەمياسىندا «زاڭگەر» ماماندىقتارى بويىنشا ءبىلىم العان. جەتىسۋ مەملەكەتتىك ۋنيۆەرسيتەتىندە «مەملەكەتتىك جانە جەرگىلىكتى ءوزىن-ءوزى باسقارۋ» ماماندىعى بويىنشا ماگيستر دارەجەسىن العان.

ەڭبەك جولىن ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە باستاعان.
ءار جىلدارى الماتى وبلىسىنىڭ ىشكى ساياسات، تابيعي رەسۋرستار جانە تابيعاتتى پايدالانۋدى رەتتەۋ باسقارمالارىنىڭ باس مامانى، مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىندە ءبولىم كونسۋلتانتى، باس مامان، باسقارما باسشىسى، وبلىس اكىمى اپپاراتىنىڭ ادەپ جونىندەگى ۋاكىلى قىزمەتتەرىن اتقارعان. بۇگىنگە دەيىن قوناەۆ قالاسى اكىمىنىڭ ورىنباسارى لاۋازىمىندا قىزمەت ەتتى