الماتى وبلىسىنداعى تاس جولدا بولعان جول اپاتىنان بەس ادام قازا تاپتى. بۇل جونىندە ىشكى ىستەر مينيسترلىگىنىڭ رەسمي سايتى جازدى، دەپ حابارلايدى “ادىرنا” ۇلتتىق پورتالى.
"1 ءساۋىر ساعات 08:00 شاماسىندا Audi 100 اۆتوكولىگىنىڭ جۇرگىزۋشىسى، ۇيعىر اۋدانىنىڭ 43 جاستاعى تۇرعىنى الماتى-كوكپەك – كوكتال اۆتوجولىنىڭ 196 شاقىرىمىندا قارسى قوزعالىس جولاعىنا شىعىپ، 1964 جىلعى ب. ەسىمدى ازاماتتىڭ باسقارۋىنداعى Audi س4 كولىگىمەن بەتپە-بەت سوقتىعىسقان. جول اپاتىنان Audi 100 جۇرگىزۋشىسى مەن ونىڭ 3 جولاۋشىسى، سونداي-اق Audi س4 جۇرگىزۋشىسى وقيعا ورنىندا قازا تاپتى", - دەلىنگەن سەنبى كۇنى تاراعان اقپاراتتا.
ءارتۇرلى دەنە جاراقاتتارى بار ءتورت جولاۋشى شونجى اۋىلىندا ورنالاسقان ورتالىق اۋداندىق اۋرۋحاناعا جاتقىزىلعانى ايتىلادى.
اتالعان دەرەك قر قك 345-بابىنىڭ 4-بولىگى بويىنشا ەڭبەكشىقازاق اۋدانىنىڭ سدتبت-دا تىركەلگەن.
"قازىر قاجەتتى ساراپتامالىق زەرتتەۋلەردى تاعايىنداۋمەن تەرگەۋ ارەكەتتەرى جۇرگىزىلىپ جاتىر", - دەدى پوليتسيا.
