قىرعىزستان ءۇش جاسقا دەيىنگى بارلىق بالاعا اي سايىن مەملەكەتتىك جاردەماقى تولەيتىن بولدى، دەپ حابارلايدى "ادىرنا" ۇلتتىق پورتالى جەرگىلىكتى باسىلىمعا سىلتەپ.
حالىقارالىق ايەلدەر كۇنى قارساڭىندا ەل پرەزيدەنتى سادىر جاپاروۆ جارلىققا قول قويدى.
ەندى ەلدە جاڭا جاردەماقى «بالا ىرىسى» دەپ اتالادى. تولەمدەر 2026 جىلدىڭ 1 شىلدەسىنەن باستاپ بەرىلەدى. ءار بالاعا وتباسىنىڭ تابىس دەڭگەيىنە قاراماستان اي سايىن 1200 سوم (6780 تەڭگە) كولەمىندە تولەنەدى.
مەملەكەت باسشىسىنىڭ ايتۋىنشا، بۇل شەشىم ازاماتتاردىڭ كوپتەگەن وتىنىشتەرى نەگىزىندە قابىلدانعان.
سادىر جاپاروۆ قازىرگى جاردەماقى جۇيەسىنە قاتىستى شاعىمداردىڭ كوپ ەكەنىن اتاپ ءوتتى. ونىڭ سوزىنشە، انالار الەۋمەتتىك كومەك الۋ بارىسىندا ءجيى بيۋروكراتيالىق كەدەرگىلەرگە تاپ بولادى.
«ادامنىڭ ەڭ ماڭىزدى فيزيكالىق جانە اقىل-وي قابىلەتتەرى ءومىرىنىڭ العاشقى جىلدارىندا قالىپتاسادى. سوندىقتان ءبىز جاڭا “بالا ىرىسى” جاردەماقىسىن ەنگىزۋدى تاپسىردىق. ءار بالا ءوز ىرىسىمەن، ءوز باقىتىمەن دۇنيەگە كەلەدى»، – دەدى پرەزيدەنت.
