ۇقمك بۇرىنعى توراعاسى قامشىبەك تاشيەۆ ۋاقىتشا شەتەلگە كەتكەنى بەلگىلى بولدى، دەپ حابارلايدى "ادىرنا" ۇلتتىق پورتالى.
بۇل تۋرالى اقپاراتتى ءوز الەۋمەتتىك جەلىسىندە تەلەجۋرناليست وتكۋربەك راحمانوۆ جاريالادى.
راحمانوۆتىڭ ايتۋىنشا، تاشيەۆ ەلدەن ۋاقىتشا كەتكەن. دەگەنمەن ونىڭ شەتەلگە شىعۋ ماقساتى مەن مەرزىمى تۋرالى ناقتى اقپارات بەرىلگەن جوق.
رەسمي مەملەكەتتىك ورگانداردان تاشيەۆتىڭ شەتەلگە شىعۋىنا قاتىستى پىكىر ءالى جاريالانعان جوق.
ەسكە سالساق، 10 اقپاندا قىرعىزستان پرەزيدەنتى سادىر جاپاروۆ قامشىبەك تاشيەۆتى بارلىق لاۋازىمىنان بوساتقان. كەيىننەن بۇرىنعى مينيسترلەر كابينەتى توراعاسىنىڭ ورىنباسارى، ۇلتتىق قاۋىپسىزدىك مەملەكەتتىك كوميتەتىنىڭ (ۇقمك) ەكس-توراعاسى قامشىبەك تاشيەۆ گەرمانيادان قىرعىزستانعا ورالعانى تۋرالى دا اقپارات تاراعان.
ۇقساس جاڭالىقتار
