24.kg حابارلاۋىنشا، قىرعىزستان مەن تاجىكستاننىڭ شەكارا قىزمەتىنىڭ وكىلدەرى باتكەن اۋدانىنىڭ داحما ايماعىندا كەزدەسكەن.
قوس تاراپ كەلىسسوز بارىسىندا قىرعىزستان مەن تاجىكستان تۇرعىندارى اراسىنداعى جانجالدىڭ ەگجەي-تەگجەيىن زەرتتەدى.
"توبەلەس فاكتىسىن ءىىم اۋماقتىق ورگاندارى زەرتتەپ جاتىر. بۇعان قوسا، اتالعان ۋچاسكەگە ءىىم-ءنىڭ قوسىمشا جاساقتارى جىبەرىلەدى. تاراپتار الداعى ۋاقىتتا شەكارانىڭ بىرلەسىپ كۇزەتىلەتىن ۋچاسكەسىندەگى جاعدايدىڭ ۋشىعۋىنا جول بەرمەۋگە ۋاعدالاستى", - دەپ حابارلادى قىرعىز رەسپۋبليكاسىنىڭ شەكارا قىزمەتى.
ورايى كەلگەندە ايتا كەتەيىك، وقىس وقيعا 3 جەلتوقسان كۇنى تۇسكە تامان بولدى. ەكى ەلدىڭ ازاماتتارى ءوزارا سوزگە كەلىپ قالعان. ادەمسىز سوزدەردەن كەيىن ەكى ەلدىڭ وكىلدەرى ءبىر-بىرىنە تاس اتقان. سالدارىنان تاجىكستاندىق ازاماتتىڭ باسى جارىلىپ، قۇلاعى جاراقاتتانىپ، اۋرۋحاناعا جەتكىزىلدى.
"ادىرنا" ۇلتتىق پورتالى
