Qyrǧyzstan üş jasqa deiıngı barlyq balaǧa ai saiyn memlekettık järdemaqy töleitın boldy, dep habarlaidy "Adyrna" ūlttyq portaly jergılıktı basylymǧa sıltep.
Halyqaralyq äielder künı qarsaŋynda el prezidentı Sadyr Japarov jarlyqqa qol qoidy.
Endı elde jaŋa järdemaqy «Bala yrysy» dep atalady. Tölemder 2026 jyldyŋ 1 şıldesınen bastap berıledı. Är balaǧa otbasynyŋ tabys deŋgeiıne qaramastan ai saiyn 1200 som (6780 teŋge) kölemınde tölenedı.
Memleket basşysynyŋ aituynşa, būl şeşım azamattardyŋ köptegen ötınışterı negızınde qabyldanǧan.
Sadyr Japarov qazırgı järdemaqy jüiesıne qatysty şaǧymdardyŋ köp ekenın atap öttı. Onyŋ sözınşe, analar äleumettık kömek alu barysynda jiı biurokratiialyq kedergılerge tap bolady.
«Adamnyŋ eŋ maŋyzdy fizikalyq jäne aqyl-oi qabıletterı ömırınıŋ alǧaşqy jyldarynda qalyptasady. Sondyqtan bız jaŋa “Bala yrysy” järdemaqysyn engızudı tapsyrdyq. Är bala öz yrysymen, öz baqytymen düniege keledı», – dedı prezident.
