شىمكەنت قالاسىندا جاڭا كونستيتۋتسيانى قولداۋ ماقساتىندا كوپ قاباتتى تۇرعىن ءۇيدىڭ قاسبەتىنە اۋقىمدى مۋرال سالىندى. ءنۇرسات-2 شاعىن اۋدانىنداعى №17 ۇيگە سالىنعان تۋىندىنىڭ بيىكتىگى 14 مەتردى، ال، ەنى 10 مەتردى قۇرايدى.
«ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ قولداۋىمەن سالىنعان جاڭا مۋرال – ەلىمىزدەگى ساياسي جاڭعىرۋ ۇدەرىستەرىنىڭ، ادىلەتتى قوعام قۇرۋ جولىنداعى باتىل قادامداردىڭ كوركەم بەينەسى. وندا كونستيتۋتسيالىق رەفورمانىڭ ءمانى، حالىق ەركى مەن بىرلىگىنىڭ ماڭىزى، زاڭ ۇستەمدىگى مەن ازاماتتىق جاۋاپكەرشىلىك يدەيالارى زاماناۋي كوركەمدىك تاسىلدەر ارقىلى ايشىقتالعان.
ايتا كەتەيىك، جاڭا كونستيتۋتسيا جوباسى ەلدىڭ دامۋىنداعى ىرگەلى ماسەلەلەردى قامتىپ، مەملەكەتتىلىكتى نىعايتۋعا جانە قۇقىقتىق جۇيەنى جەتىلدىرۋگە باعىتتالعان. اتالعان قۇجاتتى قابىلداۋ بويىنشا رەسپۋبليكالىق رەفەرەندۋم 2026 جىلعى 15 ناۋرىزدا وتەدى.
