شىمكەنتتە 70 پاتەر بەرىلدى

244
Adyrna.kz Telegram
https://adyrna.kz/storage/uploads/DiHfIspno9U4FhFXuTEjvg8qgSyAhwFe8hTnu312.jpg

شىمكەنتتىڭ تۇرعىن ءۇي قورى مەملەكەتتىك قولداۋعا مۇقتاج ازاماتتارعا ارنالعان جاڭا پاتەرلەرمەن تولىقتى. «Qyzgaldaq saraiy» ورتالىعىندا قالا اكىمى عابيت سىزدىقبەكوۆ 70 وتباسىعا پاتەر كىلتتەرىن تابىستادى.

بۇل ۇيلەر اسار-2, بوزارىق، تۇران شاعىناۋداندارى مەن 189-ورامدا ورنالاسقان.

ايتا كەتەيىك، بارلىق پاتەر كەيىننەن ساتىپ الۋ قۇقىعىمەن جالعا بەرىلدى. بۇل فورمات ازاماتتارعا پاتەردە تۇرىپ، بەلگىلەنگەن شارتتارعا سايكەس ونى كەيىننەن ءوز مەنشىگىنە ساتىپ الۋعا مۇمكىندىك بەرەدى.

پاتەرلەر مۇگەدەكتىگى بار ازاماتتارعا، ەرەكشە بالالاردى تاربيەلەپ وتىرعان وتباسىلارعا، كوپ بالالى جانە تولىق ەمەس وتباسىلارعا، جالعىزباستى انالارعا، ۇلى وتان سوعىسىنىڭ ارداگەرلەرىنە تەڭەستىرىلگەن تۇلعالارعا، جەتىم جانە اتا-اناسىنىڭ قامقورلىعىنسىز قالعان بالالارعا، سونداي-اق، مەملەكەتتىك قىزمەتشىلەرگە ۇلەستىرىلدى.

ايتا كەتەيىك، شىمكەنتتە تۇرعىنداردىڭ باسپانالى بولۋ مۇمكىندىكتەرىن كەڭەيتۋ ماقساتىندا مەملەكەتتىك قولداۋدىڭ ءتۇرلى تەتىكتەرى قولدانىلۋدا. كەيىننەن ساتىپ الۋ قۇقىعىمەن بەرىلەتىن جالدامالى پاتەرلەر – وسىنداي قولداۋ تۇرلەرىنىڭ ءبىرى. بۇل ءادىس وتباسىلارعا باسپانا جاعدايىن جاقسارتۋعا جانە بولاشاقتا جەكە مەنشىگىنە الۋعا مۇمكىندىك بەرەدى.

شىمكەنتتە بۇل باعىتتاعى جۇمىس تۇرعىن ءۇي كەزەگىندە تۇرعان ازاماتتاردىڭ قاجەتتىلىكتەرى مەن مەملەكەت تاراپىنان كوزدەلگەن قولداۋ تەتىكتەرىن ەسكەرە وتىرىپ جۇرگىزىلۋدە.

پىكىرلەر