جەلىدە اقمولا وبلىسىنداعى جىبەك جولى اۋىلىندا ەر ادامنىڭ وتباسى مۇشەلەرىن ولتىرگەنى تۋرالى اقپارات تارادى. اقمولا وبلىسىنىڭ پوليتسيا دەپارتامەنتى بۇل جاعدايعا تۇسىنىكتەمە بەردى، دەپ حابارلايدى «ادىرنا» ءتىلشىسى.
تاراتىلعان حابارلامادا جەرگىلىكتى تۇرعىننىڭ اكەسى مەن اناسىن، جيەنى جانە اعاسىن اسا قاتىگەزدىكپەن ولتىرگەنى ايتىلعان. سونداي-اق ولاردىڭ دەنەلەرى بولشەكتەلگەنى تۋرالى دا مالىمەت تاراعان.
پوليتسيانىڭ ايتۋىنشا، جىبەك جولى اۋىلىندا بولعان ادام ءولتىرۋ دەرەگىنە بايلانىستى ءتۇرلى جورامالدار مەن جالعان اقپارات تاراپ جاتىر.
«اتالعان فاكتى بويىنشا قىلمىستىق ءىس قوزعالدى. كۇدىكتى جەدەل تۇردە ۇستالىپ، ۋاقىتشا ۇستاۋ يزولياتورىنا قامالدى. تەرگەۋ بارىسى دەپارتامەنت باسشىلىعىنىڭ باقىلاۋىندا. تەرگەۋ مۇددەسىنە بايلانىستى وزگە اقپارات جاريا ەتىلمەيدى»، – دەدى پد.
پوليتسيا ازاماتتاردى تەك رەسمي اقپارات كوزدەرىنە سەنۋگە جانە تەكسەرىلمەگەن مالىمەتتەردى تاراتۋدان باس تارتۋعا شاقىردى.
