اقمولا وبلىسىنىڭ ءبىلىم باسقارماسى وقۋشىنىڭ باسىن تاقتاعا ۇرعان مۇعالىمنىڭ جۇمىسىنان بوساتىلعانىن ايتتى، دەپ حابارلايدى «ادىرنا» ءتىلشىسى.
بۇعان دەيىن جەلىدە پەداگوگتىڭ ارەكەتى قىزۋ تالقىلانعان ەدى.
باسقارمانىڭ ايتۋىنشا، وقيعا ي.قۇتپانۇلى اتىنداعى مەكتەپتە بولعان.
«2023 جىلعى 5 قازاندا مەكتەپتىڭ تاريح ءپانى مۇعالىمىنىڭ ءىس-ارەكەتى پەداگوگيكالىق ادەپ جونىندەگى كەڭەستە قارالدى. كەڭەس مەكتەپ ديرەكتورىنا تاربيە فۋنكتسيالارىن ورىندايتىن قىزمەتكەردىڭ ادەپسىز تەرىس قىلىق جاساعانى ءۇشىن وسى جۇمىستى جالعاستىرۋعا سايكەس كەلمەيتىن مۇعالىمدى قىزمەتىنەن بوساتۋدى ۇسىندى»،—دەلىنگەن حابارلامادا.
تاريح ءپانىنىڭ مۇعالىمى ەڭبەك كودەكسى نەگىزىندە جۇمىستان بوساتىلدى. ال مەكتەپ ديرەكتورى قول استىنداعى مۇعالىمنىڭ پەداگوگيكالىق ەتيكا نورمالارىن ساقتاۋىن جەتكىلىكسىز باقىلاعانى ءۇشىن تارتىپتىك جاۋاپكەرشىلىككە تارتىلدى.
ەسكە سالايىق، 5 قازاندا قازنەتتە مۇعالىمنىڭ وقۋشىنىڭ باسىن تاقتاعا ۇرعان ۆيدەوسى پايدا بولدى.
View this post on Instagram
<
