Jelıde Aqmola oblysyndaǧy Jıbek joly auylynda er adamnyŋ otbasy müşelerın öltırgenı turaly aqparat tarady. Aqmola oblysynyŋ polisiia departamentı būl jaǧdaiǧa tüsınıkteme berdı, dep habarlaidy «Adyrna» tılşısı.
Taratylǧan habarlamada jergılıktı tūrǧynnyŋ äkesı men anasyn, jienı jäne aǧasyn asa qatygezdıkpen öltırgenı aitylǧan. Sondai-aq olardyŋ denelerı bölşektelgenı turaly da mälımet taraǧan.
Polisiianyŋ aituynşa, Jıbek joly auylynda bolǧan adam öltıru deregıne bailanysty türlı joramaldar men jalǧan aqparat tarap jatyr.
«Atalǧan faktı boiynşa qylmystyq ıs qozǧaldy. Küdıktı jedel türde ūstalyp, uaqytşa ūstau izoliatoryna qamaldy. Tergeu barysy departament basşylyǧynyŋ baqylauynda. Tergeu müddesıne bailanysty özge aqparat jariia etılmeidı», – dedı PD.
Polisiia azamattardy tek resmi aqparat közderıne senuge jäne tekserılmegen mälımetterdı taratudan bas tartuǧa şaqyrdy.
