جالپىۇلتتىق سوتسيال-دەموكراتيالىق پارتياسىنىڭ مۇشەسى نۇرلان اۋەسباەۆ جاڭا كونستيتۋتسيادا وتباسى مەن بالا قۇقىعىنا ەرەكشە ءمان بەرىلگەنىن مالىمدەدى.
ونىڭ ايتۋىنشا، اتا زاڭدا نەكە مەن وتباسى ۇعىمدارىنىڭ ناقتى ايقىندالۋى – قوعامداعى ءداستۇرلى قۇندىلىقتاردى قۇقىقتىق دەڭگەيدە بەكىتۋدىڭ ماڭىزدى قادامى. جاڭا رەداكتسيادا نەكە، وتباسى، انا، اكە جانە بالانىڭ مەملەكەت قورعاۋىندا ەكەنى ناقتى كورسەتىلگەن.
– بۇل وتباسى تەك الەۋمەتتىك ينستيتۋت قانا ەمەس، سونىمەن قاتار مەملەكەت قورعاۋىنداعى ماڭىزدى قۇندىلىق ەكەنىن بىلدىرەدى، – دەدى ول.
سونداي-اق ساياساتكەردىڭ سوزىنشە، وتباسىنا قاتىستى كەز كەلگەن زاڭ مەن شەشىم قابىلداناردا ەڭ الدىمەن وتباسى مۇددەسى ەسكەرىلەدى.
ۇقساس جاڭالىقتار
