Жалпыұлттық социал-демократиялық партиясының мүшесі Нұрлан Әуесбаев жаңа Конституцияда отбасы мен бала құқығына ерекше мән берілгенін мәлімдеді.
Оның айтуынша, Ата Заңда неке мен отбасы ұғымдарының нақты айқындалуы – қоғамдағы дәстүрлі құндылықтарды құқықтық деңгейде бекітудің маңызды қадамы. Жаңа редакцияда неке, отбасы, ана, әке және баланың мемлекет қорғауында екені нақты көрсетілген.
– Бұл отбасы тек әлеуметтік институт қана емес, сонымен қатар мемлекет қорғауындағы маңызды құндылық екенін білдіреді, – деді ол.
Сондай-ақ саясаткердің сөзінше, отбасына қатысты кез келген заң мен шешім қабылданарда ең алдымен отбасы мүддесі ескеріледі.
