اقش-تىڭ بۇرىنعى پرەزيدەنتى بيلل كلينتون كونگرەسس وكىلدەر پالاتاسىنىڭ قاداعالاۋ كوميتەتى الدىندا كۋالىك بەردى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
تىڭداۋ بارىسىندا ول مارقۇم قارجىگەر، پەدوفيليا ءۇشىن سوتتالعان دجەففري ەپشتەينمەن بايلانىسى تۋرالى مالىمدەدى.
كوميتەت وتىرىسى جابىق فورماتتا ءوتتى. تىڭداۋ بارىسىندا بيلل كلينتون ح الەۋمەتتىك جەلىسىندە كىرىسپە مالىمدەمەسىن جاريالادى. وندا ول ەپشتەينمەن قىسقا مەرزىمدى تانىستىعى ونىڭ قىلمىستارى اشكەرەلەنگەنگە دەيىن اياقتالعانىن اتاپ ءوتتى.
"مەن ەپشتەيننىڭ جاساعان قىلمىستارى تۋرالى ەشتەڭە بىلگەن جوقپىن. ءوز كوزىممەن كورگەنىمدى جانە ەڭ باستىسى، كورمەگەنىمدى ناقتى بىلەمىن. نە ىستەگەنىمدى دە، نە ىستەمەگەنىمدى دە بىلەمىن. مەن ەشقانداي زاڭسىز ارەكەتكە قاتىسقان جوقپىن", – دەدى ول.
سونداي-اق ول جۇبايى حيللاري كلينتون ەپشتەينمەن ەشقانداي بايلانىسى جوق ەكەنىن، ءتىپتى ونىمەن كەزدەسكەن-كەزدەسپەگەنىن دە ەسىنە تۇسىرە المايتىنىن جەتكىزدى.
ايتا كەتەيىك، حيللاري كلينتون كونگرەستە ءبىر كۇن بۇرىن، 26 اقپاندا كۋالىك بەرگەن. ەكى تىڭداۋ دا جابىق ەسىك جاعدايىندا ءوتتى.
