«Samūryq-Qazyna» qyzmetkerlerınıŋ 10%-y qysqartylady, dep habarlaidy "Adyrna" ūlttyq portaly.
«Samūryq-Qazyna» qorynyŋ töraǧasy Nūrlan Jaqypov qor qyzmetkerlerınıŋ 10 paiyzy, şamamen 650 adam qysqartylatynyn mälımdedı. Būl şeşım qyzmetkerlerdıŋ kofe ışkenı üşın emes, naqty baǧalau jüiesı men tiımdılık körsetkışterıne negızdelgenı de ataldy.
Qysqartu tek äkımşılık-basqaru personalyna qatysty bolady, öndırıstık qyzmetkerlerge äser etpeidı. Jaqypovtyŋ aituynşa, prosess zaŋ talaptaryna sai, obektivtı türde jürgızıledı jäne nauryz aiynyŋ soŋyna deiın aiaqtalady.
Qyzmetkerlerge ötemaqy mäselesı är jaǧdaiǧa bailanysty özgeruı mümkın. Barlyq eŋbek ūjymyna tiıstı tüsındıru jūmystary jürgızılgen.
Prezident Qasym-Jomart Toqaev taqauda ǧana memlekettık kompaniialar, onyŋ ışınde «Samūryq-Qazyna» qoryndaǧy artyq ştat mäselesın kötergen bolatyn. Memleket basşysy keibır qyzmetkerlerdıŋ naqty paidaly jūmys atqarmaitynyn atiqan. Prezidenttıŋ aituynşa, mūndai kadrlar jüiege artyq salmaq tüsırıp, naqty nätije bermeidı. Prezident memlekettık kompaniialardyŋ qūrylymyn qaita qarap, tiımdılıgın arttyru qajettıgıne toqtalǧan.
Sonymen qatar Memleket basşysy keibır qyzmetkerler jūmys uaqytyn tiımsız ötkızetının synǧa alǧan. Onyŋ sözınşe, keibırı tüskı uaqytta kafe men qonaqüilerde otyryp, jaŋalyq talqylap, internette uaqyt ötkızedı-mıs.
