بۇرىنعى ەكولوگيا، گەولوگيا جانە تابيعي رەسۋرستار مينيستر سەرىكقالي برەكەشەۆ «قازمۇنايگاز» ۇلتتىق كومپانياسى» اق باسقارما توراعاسىنىڭ ورىنباسارى قىزمەتىنە تاعايىندالدى. بۇل تۋرالى «سامۇرىق قازىنا» ءال-اۋقات قورىنىڭ باسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
“سەرىكقالي برەكەشەۆ «قازمۇنايگاز» ۇلتتىق كومپانياسى» اق باسقارما توراعاسىنىڭ ورىنباسارى قىزمەتىنە تاعايىندالدى. ول گاز جوبالارىنىڭ دامۋىنا جەتەكشىلىك ەتەدى”، - دەپ جازىلعان حابارلامادا.سەرىكقالي برەكەشەۆ 1972 جىلى 14 قازاندا دۇنيەگە كەلگەن. 1995 جىلى شاحماردان ەسەنوۆ اتىنداعى اقتاۋ پوليتەحنيكالىق ينستيتۋتى، «مۇناي جانە گاز كەن ورىندارىن يگەرۋ جانە پايدالانۋ» فاكۋلتەتى. 1995-1997 جىلدارى – «قازاقستان-رەسەي ساۋدا ءۇيى» بك، باس ديرەكتوردىڭ ورىنباسارى، ەكونوميست. 1997 جىلدارى – اقتاۋ قالاسىنداعى سالىق ءبولىمى، ينسپەكتور. 1997-1998 جىلدارى – «ماڭعىستاۋمۇنايگاز» اق «مۇنايگەرمەس» ماتەريالدىق-تەحنيكالىق قامتاماسىز ەتۋ جانە ءونىمدى وتكىزۋ باسقارماسىنىڭ فيليالى، 8-رازريادتى ينجەنەر. 1998-2006 جىلدارى – «قاراقۇدىقمۇناي» جاق، مۇناي ءوندىرۋ جونىندەگى ماستەر، پايدالانۋ جونىندەگى ينجەنەر، كاسىپشىلىك مەنەدجەرى. 2007-2014 جىلدارى – ەنەرگەتيكا جانە مينەرالدىق رەسۋرستار، مۇناي جانە گاز مينيسترلىكتەرىندە باسشىلىق قىزمەتتەر اتقاردى. 2015-2020 جىلدارى – «قازترانسگاز» اق قۇرىلىمىندا گتج باسقارۋ جونىندەگى باسقارۋشى ديرەكتورى، تەحنيكالىق ساياسات جونىندەگى باسقارۋشى ديرەكتورى، وندىرىستىك-تەحنيكالىق دەپارتامەنتىنىڭ ديرەكتورى، باس ديرەكتوردىڭ تەحنيكالىق ساياسات جونىندەگى ورىنباسارى. 2020 جىلعى 5 ناۋرىزدان باستاپ ەكولوگيا، گەولوگيا جانە تابيعي رەسۋرستار ۆيتسە-ءمينيسترى. 2021 جىلعى 10 قىركۇيەكتەن 2023 جىلعى 4 قاڭتارعا دەيىن قر ەكولوگيا، گەولوگيا جانە تابيعي رەسۋرستار ءمينيسترى. 2023 جىلعى 1 اقپاننان باستاپ «قازمۇنايگاز» ۇك» اق باسقارما توراعاسىنىڭ ورىنباسارى.
