اقش-تىڭ ءبىرىنشى حانىمى مەلانيا ترامپ بۇۇ قاۋىپسىزدىك كەڭەسىنىڭ وتىرىسىندا ءسوز سويلەۋى مۇمكىن، دەپ حابارلايدى “ادىرنا” ۇلتتىق پورتالى تاسس اگەنتتىگى سىلتەپ.
جيىن 2 ناۋرىز كۇنى وتەدى.
اقپاراتقا سايكەس، ءبىرىنشى حانىم ءبىلىم بەرۋ مەن اعارتۋدىڭ ماڭىزدىلىعى تۋرالى بايانداما جاسايدى دەپ كۇتىلۋدە. مەلانيا ترامپ X الەۋمەتتىك جەلىسىندەگى پاراقشاسىندا اتالعان ماتەريالعا سىلتەمە جاريالاپ، وسىلايشا بۇل مالىمەتتى جاناما تۇردە راستاعان.
1 ناۋرىزدان باستاپ بۇۇ قاۋىپسىزدىك كەڭەسىنە توراعالىق ەتۋ ءبىر اي مەرزىمگە اقش-قا وتەدى. تەلەارنا دەرەگىنشە، بۇل جولعى وتىرىستا مەلانيا ترامپ توراعالىق ەتۋى ىقتيمال. ەگەر بۇل اقپارات راستالسا، العاش رەت اقش پرەزيدەنتىنىڭ جۇبايى نەمەسە وزگە دە الەمدىك كوشباسشىنىڭ زايىبى قاۋىپسىزدىك كەڭەسىنىڭ وتىرىسىن جۇرگىزبەك.
اقش-تىڭ بۇۇ جانىنداعى تۇراقتى وكىلى مايك ۋولتتس تە ءبىرىنشى حانىمنىڭ وتىرىسقا قاتىسىپ، توراعالىق ەتەتىنىن راستاعان.
