AQŞ-tyŋ bırınşı hanymy Melaniia Tramp BŪŪ Qauıpsızdık keŋesınıŋ otyrysynda söz söileuı mümkın, dep habarlaidy “Adyrna” ūlttyq portaly TASS agenttıgı sıltep.
Jiyn 2 nauryz künı ötedı.
Aqparatqa säikes, bırınşı hanym bılım beru men aǧartudyŋ maŋyzdylyǧy turaly baiandama jasaidy dep kütılude. Melaniia Tramp X äleumettık jelısındegı paraqşasynda atalǧan materialǧa sılteme jariialap, osylaişa būl mälımettı janama türde rastaǧan.
1 nauryzdan bastap BŪŪ Qauıpsızdık keŋesıne töraǧalyq etu bır ai merzımge AQŞ-qa ötedı. Telearna deregınşe, būl jolǧy otyrysta Melaniia Tramp töraǧalyq etuı yqtimal. Eger būl aqparat rastalsa, alǧaş ret AQŞ prezidentınıŋ jūbaiy nemese özge de älemdık köşbasşynyŋ zaiyby Qauıpsızdık keŋesınıŋ otyrysyn jürgızbek.
AQŞ-tyŋ BŪŪ janyndaǧy tūraqty ökılı Maik Uolts te bırınşı hanymnyŋ otyrysqa qatysyp, töraǧalyq etetının rastaǧan.
