اۋعان ماسەلەسى بويىنشا اقش-تىڭ مەملەكەتتىك حاتشىسى ەنتوني بلينكەن مەن قىتايدىڭ سىرتقى ىستەر ءمينيسترى ۆان ي سوزگە كەلىپ قالدى. تەلەفون ارقىلى سويلەسۋ بارىسىندا قىتايدىڭ سىرتقى ىستەر ءمينيسترى اقش-تىڭ بىرنەشە قاتەلىكتەرىن باسىپ ايتتى.
ءسوز بارىسىندا ۆاي ي اقش-تىڭ 20 جىلعى اۋعانستانداعى ميسسياسىنىڭ پەرسپەكتيۆاسى جوق ءارى ەشقانداي دا ساياسي-قوعامدىق مودەل جاساي المادى. سوندىقتان دا اۋعان ماسەلەسى شەشىمى تابىلماعان كۇردەلى ماسەلە بولىپ سول بويى قالدى، دەپ اقش-تى ايىپتادى.
"بۇل ارينە، وتە ۇلكەن ستراتەگيالىق تاۋەكەلدى تالاپ ەتەدى. ەگەر دە اقش تەرروريزممەن كۇرەستە قىتاي جاعىندا بولعاندا، بۇل پەكين مەن ۆاشينگتوننىڭ اراسىنداعى ديپلوماتيالىق قارىم-قاتىناستىڭ دا جاقسارۋىنا سەپتىگىن تيگىزەر ەدى" دەپ توقتادى.
قىتاي ەلشىسى اقش-تىڭ اۋعانستانعا كورسەتكەن كومەگىن جوققا شىعارمادى.
اۋعان ماسەلەسى بويىنشا اقش تاراپى قىتايمەن بىرلەسە وتىرىپ، تەرروريزممەن كۇرەسۋگە قۇلىق تانىتپادى، سوندىقتان دا اقش ءوزىنىڭ اۋعان جەرىندەگى ميسسياسىن اياقسىز قالدىرىپ وتىر، دەپ تۇيىندەي كەتتى قىتايدىڭ سىرتقى ىستەر ءمينيسترى.
بەكبولات قارجان،
"ادىرنا" ۇلتتىق پورتالى
