الماتىدا بەلگىلى ءمۇسىنشى مالىك وسكەنباي 60 جىلدىعىنا ارنالعان «ىشكى كەڭىستىك» جەكە شىعارماشىلىق كورمەسىنىڭ سالتاناتتى اشىلۋى ءوتتى.
ەكسپوزيتسيادا اۆتوردىڭ 30-عا جۋىق مۇسىندىك جانە 30-عا جۋىق كەسكىندەمەلىك، گرافيكالىق تۋىندىلارى ۇسىنىلدى. ونەر يەسى شىعارمالارىندا قازاق بولمىسىنىڭ وبرازدىق ەرەكشەلىكتەرىن زاماناۋي پلاستيكالىق تىلدە جەتكىزەدى. تاس، اعاش، قولا، كەراميكا سەكىلدى ماتەريالداردى شەبەر قولدانا وتىرىپ، رەاليستىك جانە ابستراكتىلى باعىتتاردى ۇيلەستىرەدى.
سۋرەتشىلەردىڭ ايتۋىنشا، حالىقارالىق جانە رەسپۋبليكالىق كورمەلەردە دارا قولتاڭباسىمەن تانىلعان سۋرەتشىنىڭ بۇل جوباسى – ونىڭ شىعارماشىلىق ىزدەنىستەرىنىڭ جاڭا كەزەڭىن ايقىندايتىن تۇجىرىمدى جۇمىس.
«ىشكى كەڭىستىك – كورەرمەندى ءوز بولمىسىمەن جۇزدەسۋگە، وي توقتاتۋعا، ىشكى ءۇنىن تىڭداۋعا شاقىراتىن فيلوسوفيالىق، ينتروسپەكتيۆتى كورمە. بۇل جوبا تسيفرلاندىرۋ داۋىرىندەگى ادامنىڭ رۋحاني الەمىن كوركەم تىلمەن زەردەلەۋگە ارنالعان جانە سۋرەتشىنىڭ شىعارماشىلىق الەمىنە تەرەڭ ۇڭىلۋگە مۇمكىندىك بەرەدى»، – دەدى مالىك وسكەنباي.
ۇيىمداستىرۋشىلار شىعارماشىلىق كورمە 5 ناۋرىزعا دەيىن جالعاساتىنىن اتاپ ءوتتى.
