فوتو:primeminister.kz
الماتى قالاسى ازياداعى ەڭ ءىرى تۋريستىك كورمەلەردىڭ ءبىرى – مۋمبايدا وتكەن OTM Mumbai 2026 شاراسىندا حالىقارالىق دەڭگەيدە جوعارى باعا الدى، دەپ حابارلايدى “ادىرنا”.
اقپاراتقا سايكەس، قازاقستاندىق مەگاپوليس قالالىق ءتۋريزمدى دامىتۋدا كوشباسشى اتاندى.
ءۇندىستاندا وتكەن جيىندا الەمدىك تۋريستىك يندۋستريانىڭ الپاۋىتتارى – تۋروپەراتورلار، اۋە كومپانيالارى مەن ءىرى قوناق ءۇي جەلىلەرى باس قوستى. الماتى قالاسىنىڭ ستەندى وزىندىك ەرەكشەلىگىمەن كاسىبي قوعامداستىقتىڭ نازارىن بىردەن اۋداردى.
كورمە قورىتىندىسى بويىنشا الماتى «قالالىق ءتۋريزمدى ۇزدىك ىلگەرىلەتكەنى ءۇشىن» (Best Promotion of Urban Tourism) ماراپاتىن يەلەندى.
قالا اكىمدىگىنىڭ ءباسپاسوز قىزمەتى حابارلاعانداي، مەگاپوليس ەكسپوزيتسياسى ۇلتتىق ناقىش پەن زاماناۋي مۋلتيمەديالىق شەشىمدەردى شەبەر ۇشتاستىرعان.
- قازاقتىڭ ءداستۇرلى مادەنيەتى: ۇلتتىق ويۋ-ورنەكتەر مەن ستيل;
- يننوۆاتسيا: قالانىڭ تۋريستىك الەۋەتىن تانىستىراتىن تسيفرلىق شەشىمدەر;
- ناتيجە: حالىقارالىق نارىقتاعى سۇرانىستىڭ ارتۋى.
«بۇل ماراپات – الماتىنى حالىقارالىق دەڭگەيدە ىلگەرىلەتۋ ستراتەگياسىنىڭ جەمىسى. شەتەلدىك نارىقتارتىڭ، اسىرەسە ءۇندىستان تاراپىنىڭ بىزگە دەگەن قىزىعۋشىلىعى تۇراقتى تۇردە ارتىپ كەلەدى»، — دەپ اتاپ ءوتتى اكىمدىك وكىلدەرى.
كورمە اياسىندا الماتى دەلەگاتسياسى 100-دەن استام B2B فورماتىنداعى كەزدەسۋ وتكىزدى. كەلىسسوزدەر نەگىزىنەن ءۇندىستاننان كەلەتىن تۋريستەر اعىنىن كوبەيتۋگە، جاڭا تۋريستىك ونىمدەر جاساۋعا جانە سەرىكتەستىك اياسىن كەڭەيتۋگە باعىتتالعان.
