تانىمال ءانشى ديماش قۇدايبەرگەننىڭ جانكۇيەرلەرى قازاقستانعا گۋمانيتارلىق كومەك جىبەرىپ جاتىر، دەپ حابارلايدى "ادىرنا" ءتىلشىسى.
ءانشى بۇل تۋرالى Instagram جەلىسىندەگى پاراقشاسىندا جازدى.
ول الەمنىڭ تۇكپىر-تۇكپىرىنەن قازاقستانعا گۋمانيتارلىق كومەك جىبەرىپ جاتقان جانكۇيەرلەرىنە العىس ايتتى.
“ماعان الەمنىڭ ءار ەلىندەگى جانكۇيەرلەرىم سۋ تاسقىنىنان زارداپ شەككەن قازاقستاندىقتارعا گۋمانيتارلىق كومەك كورسەتىپ جاتىر دەگەن اقپارات جەتتى. وسىنداي قىسىلتاياڭ كەزەڭدە قولداۋ كورسەتكەن جاندارعا العىسىم شەكسىز. سۇيەم سىزدەردى!” – دەدى ءانشى ديماش.
