تاتارستاندا درونداردىڭ شابۋىلىنان كەيىن «كالەيكينو» مۇناي ايداۋ ستانتسياسى — «دوستىق» مۇناي قۇبىرىنىڭ تورابى ورتەندى. قازاقستان ءوز مۇناي جەتكىزىلىمدەرىنە زيان كەلمەگەنىن مالىمدەدى، دەپ حابارلايدى “ادىرنا“ پورتالى Tengrinews.kz سايتىنا سىلتەپ.
23 اقپانعا قاراعان ءتۇنى المەتەۆسكىدە «كالەيكينو» مۇناي ايداۋ ستانتسياسىندا ءورت بولدى. Deutsche Welle ۋكراين دەرەككوزدەرىنە سىلتەمە جاساپ حابارلاۋىنشا، جەرگىلىكتى تۇرعىندار بىرنەشە جارىلىس دىبىسىن ەستىگەن، سودان كەيىن نىساندا ءورت شىققان.
ءورتتىڭ ۆيدەوكادرلارى Telegram-ارنالارىندا تارادى.
المەتەۆسك اكىمشىلىگىنىڭ مالىمەتىنشە، ونەركاسىپ ايماعىندا درون سىنىقتارىنىڭ قۇلاۋىنان ءورت تۇتانعان. بيلىك وكىلدەرى زارداپ شەككەندەر جوق ەكەنىن حابارلادى.
«كالەيكينو» ستانتسياسى — وڭىردەگى «ترانسنەفت» جۇيەسىندەگى ەڭ ءىرى نىسانداردىڭ ءبىرى. بۇل – ءارتۇرلى ايماقتاردان كەلەتىن مۇناي قابىلدانىپ، ارالاستىرىلىپ، ساقتالاتىن، ءارى قاراي ماگيسترالدىق مۇناي قۇبىرلارى ارقىلى جونەلتىلەتىن باستى مۇناي ايداۋ ستانتسياسى.
سونىڭ ىشىندە مۇناي ەۋروپاعا ەكسپورتتالاتىن «دوستىق» مۇناي قۇبىرى باعىتىنا دا جىبەرىلەدى.
قازاقستاننىڭ ەنەرگەتيكا مينيسترلىگى تاتارستانداعى وقيعانىڭ قازاقستاندىق مۇناي تاسىمالىنا اسەر ەتپەگەنىن مالىمدەدى.
«وقيعاعا قاتىستى تاراعان اقپاراتقا بايلانىستى ەنەرگەتيكا مينيسترلىگى بۇل جاعداي قازاقستاندىق مۇنايدى تاسىمالداۋ ۇدەرىسىنە اسەر ەتپەگەنىن حابارلايدى. جۇك جونەلتۋشىلەردەن شيكىزاتتى قابىلداۋ جانە ونى ماگيسترالدىق مۇناي قۇبىرلارى جۇيەسى ارقىلى ءارى قاراي ايداۋ بەكىتىلگەن كەستەگە سايكەس شتاتتىق رەجيمدە جۇزەگە اسىرىلۋدا. قازاقستان مۇنايىنىڭ ءترانزيتى نەمەسە ەكسپورتى بويىنشا ەشقانداي شەكتەۋلەر تىركەلگەن جوق»، دەلىنگەن حابارلامادا.
قازاقستان «كالەيكينو» ستانتسياسىمەن تىكەلەي بايلانىستى ەمەس، الايدا ءبىزدىڭ مۇناي سول جۇيە ارقىلى وتەدى: الدىمەن شيكىزات اتىراۋ – سامارا قۇبىرى ارقىلى رەسەيگە جەتكىزىلەدى، سودان كەيىن «ترانسنەفت» ماگيسترالدىق جەلىسىنە تۇسەدى. مۇندا ءارتۇرلى وڭىرلەردەن كەلگەن مۇناي ارالاستىرىلىپ، باعىتتار بويىنشا تاراتىلادى. سونىڭ ىشىندە ەۋروپاعا ەكسپورت ءۇشىن «دوستىق» مۇناي قۇبىرى باعىتىنا جىبەرىلەدى. «كالەيكينو» — وسى جۇيەدەگى ماڭىزدى توراپتاردىڭ ءبىرى، سوندىقتان ونداعى كەز كەلگەن وقيعا تەوريالىق تۇرعىدان قازاقستاندىق مۇناي جۇرەتىن باعىتتارعا اسەر ەتۋى مۇمكىن.
بۇعان دەيىن قازاقستاننىڭ سىرتقى ىستەر مينيسترلىگى 13 قاڭتاردا قارا تەڭىز اكۆاتورياسىندا كاسپي قۇبىر كونسورتسيۋمىنىڭ تەڭىز تەرمينالىنا باعىت العان ءۇش تانكەرگە جاسالعان درون شابۋىلدارىنا بايلانىستى الاڭداۋشىلىق بىلدىرگەن ەدى.
بەلگىلى بولعانداي، 2026 جىلعى قاڭتاردا كقك ارقىلى قازاقستاندىق مۇنايدى الەمدىك نارىقتارعا جەتكىزۋ كولەمى كۇرت ازايدى. جونەلتۋ كولەمى جوسپارلانعان دەڭگەيدەن شامامەن 45 پايىزعا تومەندەدى.
كقك-داعى قيىندىقتار اياسىندا قازاقستان مۇناي باعىتتارىن وزگەرتە باستادى.
