پرەزيدەنت قاسىم-جومارت توقاەۆ تمد-عا مۇشە مەملەكەتتەر باسشىلارى كەڭەسىنىڭ وتىرىسىندا تاياۋ شىعىستاعى قازىرگى احۋالعا قاتىستى پىكىر ءبىلدىردى، دەپ حابارلايدى «ادىرنا» ۇلتتىق پورتالى اقورداعا سىلتەمە جاساپ.
– قازاقستان حالىقارالىق وزەكتى پروبلەمالاردى شەشۋ ءۇشىن لاڭكەستىك ادىستەردى قولدانۋعا مۇلدەم قارسى. ونداعان جىل بويى شەشىمىن تاپپاي كەلە جاتقان مىندەتتەردى جۇزەگە اسىرۋ ءۇشىن بەيبىت ازاماتتارعا زورلىق-زومبىلىق كورسەتىپ، تەررورلىق اكتسيالار جاساۋعا بولمايدى. بۇل – ەش اقتاۋعا كەلمەيتىن ارەكەت، – دەدى پرەزيدەنت.سونىمەن قاتار قاسىم-جومارت توقاەۆ قازاقستاننىڭ حالىقارالىق قاتىناستاردا ادىلدىك قاعيداتىن ورناتۋدى، حالىقارالىق قوعامداستىقتىڭ بارلىق مۇشەسىنىڭ زاڭدى جانە ەگەمەندىك قۇقىعىن ەسكەرە وتىرىپ، ونى دەموكراتيالاندىرۋدى جاقتايتىنىن جەتكىزدى. ەسكە سالايىق،بىشكەك قالاسىندا تمد-عا مۇشە مەملەكەتتەر باسشىلارى كەڭەسىنىڭ وتىرىسى ءوتتى. وعان قازاقستان پرەزيدەنتى قاسىم-جومارت توقاەۆ، رەسەي پرەزيدەنتى ۆلاديمير پۋتين، ءازىربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى، تمد – عا قاتىسۋشى مەملەكەتتەر باسشىلارى كەڭەسىنىڭ توراعاسى 2023 جىلى – سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى قاتىستى شاۆكات ميرزيەەۆ جانە باس حاتشى تمد سەرگەي لەبەدەۆ قاتىستى.
«ادىرنا» ۇلتتىق پورتالى
ۇقساس جاڭالىقتار
