2026 جىلدىڭ سوڭىنا دەيىن قازاقستاننان امەريكا قۇراما شتاتتارىنا تىكەلەي رەيس اشۋ ءۇشىن ەلىمىزگە Boeing 787 Dreamliner ۇشاقتارى جەتەدى. بۇل تۋرالى اقوردا جازدى، دەپ حابارلايدى "ادىرنا".
اقش-تاعى كەزەكتى ساپارى اياسىندا قازاقستان پرەزيدەنتى Boeing كومپانياسىنىڭ اتقارۋشى ۆيتسە-پرەزيدەنتى دجەفف شوككيدى قابىلداعان. وسى ۋاعدالاستىق ءدال وسى كەزدەسۋ بارىسىندا جاسالعان كورىنەدى.
«اقش-قا جۇمىس ساپارى اياسىندا پرەزيدەنت قاسىم-جومارت توقاەۆ اۆياتسيا، قورعانىس جانە عارىش تەحنيكالارىن شىعاراتىن Boeing ترانسۇلتتىق كورپوراتسياسىنىڭ باسشىلىعىمەن كەزدەستى. پرەزيدەنت وتاندىق Air Astana, SسAT جانە Vietjet Qazaqstan كومپانيالارى ەلىمىزدەگى اۆياتسيا سالاسىن دامىتۋدا ەرەكشە ماڭىزعا يە ورتاق جوبالاردى ودان ءارى ىلگەرىلەتۋگە مۇددەلى ەكەنىن اتاپ ءوتتى. بۇل رەتتە قاسىم-جومارت توقاەۆ Air Astana مەن Boeing اراسىندا ۇشاق جەتكىزۋ بويىنشا كەلىسىمگە قول قويىلعانىن قۇپتادى»، - دەپ حابارلايدى اقوردا.
سونداي-اق كەزدەسۋدە بەلگىلى بولعانداي، بيىل جىل سوڭىنا دەيىن قۇراما شتاتتارعا تىكەلەي اۋە قاتىناسىن اشۋ ماقساتىندا قازاقستانعا Boeing 787 Dreamliner ۇشاقتارى جەتەدى دەپ جوسپارلانىپ وتىر.
