2026 jyldyŋ soŋyna deiın Qazaqstannan Amerika Qūrama Ştattaryna tıkelei reis aşu üşın elımızge Boeing 787 Dreamliner ūşaqtary jetedı. Būl turaly Aqorda jazdy, dep habarlaidy "Adyrna".
AQŞ-taǧy kezektı sapary aiasynda Qazaqstan prezidentı Boeing kompaniiasynyŋ atqaruşy vise-prezidentı Djeff Şokkidı qabyldaǧan. Osy uaǧdalastyq däl osy kezdesu barysynda jasalǧan körınedı.
«AQŞ-qa jūmys sapary aiasynda prezident Qasym-Jomart Toqaev aviasiia, qorǧanys jäne ǧaryş tehnikalaryn şyǧaratyn Boeing transūlttyq korporasiiasynyŋ basşylyǧymen kezdestı. Prezident otandyq Air Astana, SSAT jäne Vietjet Qazaqstan kompaniialary elımızdegı aviasiia salasyn damytuda erekşe maŋyzǧa ie ortaq jobalardy odan ärı ılgerıletuge müddelı ekenın atap öttı. Būl rette Qasym-Jomart Toqaev Air Astana men Boeing arasynda ūşaq jetkızu boiynşa kelısımge qol qoiylǧanyn qūptady», - dep habarlaidy Aqorda.
Sondai-aq kezdesude belgılı bolǧandai, biyl jyl soŋyna deiın Qūrama Ştattarǧa tıkelei äue qatynasyn aşu maqsatynda Qazaqstanǧa Boeing 787 Dreamliner ūşaqtary jetedı dep josparlanyp otyr.
