الماتى قالاسىنىڭ پروكۋراتۋراسى الەۋمەتتىك جەلىلەردە تارالىپ جاتقان كۋرەردى جاۋاپكەرشىلىككە تارتۋ جونىندەگى اقپاراتقا قاتىستى تۇسىنىك بەردى.
حابارلانعانداي، كۋرەر تاپسىرىستى جەتكىزۋ كەزىندە دورەكى ارەكەت جاساپ، تاپسىرىس بەرۋشىنى ادەيى جانجالعا يتەرمەلەگەن. ول «مەنىڭ قارنىم اشىپ تۇر» دەپ ايتۋعا ماجبۇرلەگەن، ايتپەسە تاپسىرىستى بەرمەيتىنىن ايتىپ قورقىتقان. بۇل ارانداتۋشىلىق ارەكەت تاراپتار اراسىندا سوزگە كەلۋگە سەبەپ بولعان. ال تاپسىرىس بەرۋشى جانجال بارىسىندا بەيادەپ سوزدەر قولدانعان.
ءىس ماتەريالدارىن قاراۋ ناتيجەسىندە وقيعاعا قاتىسۋشىلار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكس 434-بابى 1-بولىگى («ۇساق بۇزاقىلىق») بويىنشا اكىمشىلىك جاۋاپكەرشىلىككە تارتىلدى.
الماتى قالاسىنىڭ مامانداندىرىلعان اۋدانارالىق اكىمشىلىك سوت قاۋلىسىمەن ءار قاتىسۋشىعا 20 اەك (86 500 تەڭگە) مولشەرىندە ايىپپۇل سالىندى.
پروكۋراتۋرا ازاماتتاردى تەك رەسمي اقپاراتقا سۇيەنۋگە جانە بۇرمالانعان مالىمەتتەردى تاراتپاۋعا شاقىرىپ، كورىنەۋ جالعان اقپارات تاراتۋ زاڭعا سايكەس جاۋاپكەرشىلىككە اكەپ سوعۋى مۇمكىن ەكەنىن ەسكەرتتى.
