پرەزيدەنت قاسىم-جومارت توقاەۆ ۇكىمەتكە بەرگەن بىرقاتار تاپسىرامسىنىڭ ىشىندە اكىمدەرگە قوعامدىق كولىك جۇمىسىن تۇراقتاندىرۋ ىسىدە بار، دەپ حابارلايدى «ادىرنا» ءتىلىشسى.
بۇگىنگى تاڭدا ەلىمىزدەگى ەڭ ءىرى قالا الماتىدا قوعامدىق كولىكتىڭ ماسەلەسىنىڭ ءتۇيىنى تارقاتىلماق.
الىپ قالا الماتىدا وبلىس پەن قالا اراسىندا قاتىنايتىن قوعامدىق كولىكتەر جەتىسپەيدى. بۇل تۋرالى ءماسليحات سەسسياسىندا قالا اكىمىنىڭ ورىنباسارى اسقار امرين مالىمدەگەن ەدى.
سپيكەردىڭ ايتۋىنشا، بۇگىندە تەك 150 كەنتتە عانا قالا ماڭىنا قاتىنايتىن 22 اۆتوبۋس بار. نەگىزگى قاجەتتىلىك – 50 اۆتوبۋس.
«الماتى قالاسىنىڭ بيۋدجەتى قالا ماڭىنا باراتىن اۆتوبۋستاردى سۋبسيديامەن 100% قامتۋدا. مىسالى، ول ءۇشىن 2021 جىلى 10 ملرد تەڭگە، 2022 جىلى 11 ملرد تەڭگە ءبولىندى. جوسپاردا بار جاڭا باعىتتاردى ەسكەرسەك، الداعى ۋاقىتتا سۋبسيديالار كولەمى وسەدى. وتكەن ايدا ءبىز الماتى وبلىسىمەن قالا ماڭىنداعى باعىتتاردى بىرلەسە سۋبسيديالاۋ تۋرالى كەلىسسوزدەر جۇرگىزە باستادىق. الماتى قالاسى اكىمدىگى وبلىسقا جەكە تاسىمالداۋشىلار شىعىندارىنىڭ جارتىسىن جابۋعا ۇسىندى. قازىر كەلىسسوزدەر جالعاسۋدا»، - دەدى اسقار امرين.
ول 2024 جىلعا قاراي حالىقتىڭ جايلىلىعى ءۇشىن 30 جاڭا ماگيسترالدىق قالا ماڭى مارشرۋتتارى ىسكە قوسىلاتىنىن ايتتى.
«ناتيجەسىندە قوعامدىق كولىكتىڭ قول جەتىمدىلىگى جاقسارا تۇسەدى. سونداي-اق، قالا ماڭىنداعى مارشرۋتتار قالانىڭ بىرىڭعاي تاريفىنە بىرىكتىرىلەتىن بولادى. سونداي-اق، قالا ماڭىندا اۆتوبۋسقا وتىرعان كەزدە قالاعا دەيىن جول ءجۇرۋ اقىسىن تولەۋگە جانە قالاىشىلىك مارشرۋتقا اۋىسىپ وتىرعان كەزدە بيلەتتىڭ تولىق قۇنىن قايتا تولەمەۋگە مۇمكىندىك بەرەتىن ايماقتىق ءتاريفتى ەنگىزۋ جوسپارلانۋدا»، - دەدى سپيكەر.
