Almaty qalasynyŋ prokuraturasy äleumettık jelılerde taralyp jatqan kurerdı jauapkerşılıkke tartu jönındegı aqparatqa qatysty tüsınık berdı.
Habarlanǧandai, kurer tapsyrysty jetkızu kezınde dörekı äreket jasap, tapsyrys beruşını ädeiı janjalǧa itermelegen. Ol «menıŋ qarnym aşyp tūr» dep aituǧa mäjbürlegen, äitpese tapsyrysty bermeitının aityp qorqytqan. Būl arandatuşylyq äreket taraptar arasynda sözge keluge sebep bolǧan. Al tapsyrys beruşı janjal barysynda beiädep sözder qoldanǧan.
Is materialdaryn qarau nätijesınde oqiǧaǧa qatysuşylar Qazaqstan Respublikasynyŋ Äkımşılık qūqyq būzuşylyq turaly kodeks 434-baby 1-bölıgı («Ūsaq būzaqylyq») boiynşa äkımşılık jauapkerşılıkke tartyldy.
Almaty qalasynyŋ Mamandandyrylǧan audanaralyq äkımşılık sot qaulysymen är qatysuşyǧa 20 AEK (86 500 teŋge) mölşerınde aiyppūl salyndy.
Prokuratura azamattardy tek resmi aqparatqa süienuge jäne būrmalanǧan mälımetterdı taratpauǧa şaqyryp, körıneu jalǧan aqparat taratu zaŋǧa säikes jauapkerşılıkke äkep soǧuy mümkın ekenın eskerttı.
