EQYŪ-nyŋ Astanadaǧy Baǧdarlamalar ofisınıŋ basşysy, elşı Aleksei Rogov diplomatiialyq korpusqa arnalǧan brifingke qatysty. Is-şara Astana qalasynda öttı.
Kezdesu barysynda Qazaqstan Respublikasynyŋ jaŋa Konstitusiia jobasynyŋ negızgı erejelerı tanystyryldy. Atap aitqanda, qūjatta adam qūqyqtarynyŋ kepıldıkterın küşeitu, memlekettıŋ zaiyrlylyq qaǧidatyn bekıtu, sifrlyq ortadaǧy qūqyqtardy qorǧau jäne halyqaralyq mındettemelerdı oryndau normalary qamtylǧany aityldy.
Brifing barysynda konstitusiialyq reformalardyŋ eldegı saiasi-qūqyqtyq jüienı jetıldırudegı maŋyzy erekşe ekenı atap ötıldı. Sonymen qatar qūjat azamattardyŋ qūqyqtary men bostandyqtaryn qorǧaudy jaŋa deŋgeige köteruge baǧyttalǧany aityldy.
EQYŪ ökılderı öz mandatyna säikes reformalardy ılgerıletu maqsatynda qabyldauşy eldıŋ memlekettık organdarymen, ūlttyq serıktestermen jäne basqa da müddelı taraptarmen yntymaqtastyqty jalǧastyruǧa daiyn ekenın mälımdedı.
