قازاقستاندىق شاحماتشى، بليتستەن ءۇش دۇركىن الەم چەمپيونى ءبيبىسارا اساۋباەۆا 12-ءشى الەم چەمپيونى الەكساندرا كوستەنيۋكتى كورمە ماتچىندا جەڭدى. بۇل تۋرالى سپورتشىنىڭ ءوزى جەلىدەگى پاراقشاسىندا جازدى، دەپ حابارلايدى «ادىرنا» ءتىلشىسى.
ءتورت پارتيادان تۇرعان ماتچ 2,5:1,5 ەسەبىمەن قازاقستاندىق شاحماتشىنىڭ پايداسىنا اياقتالدى. بۇل جەڭىس وتانداسىمىزعا 2027 جىلى وتەتىن كەلەسى فريستايل-شاحماتتار الەم چەمپيوناتىنا قاتىسۋ قۇقىعىن قامتاماسىز ەتتى.
«جەڭىسكە جەتۋ ءاردايىم جاعىمدى اسەر سىيلايدى، اسىرەسە بۇل مەنى 2027 جىلى ۆايسەنحاۋسدە وتەتىن كەلەسى فريستايل-شاحماتتار الەم چەمپيوناتىنا قاتىسۋعا مۇمكىندىك بەرسە ءتىپتى تاماشا. ۇيىمداستىرۋشىلارعا كەرەمەت تۋرنير ءۇشىن العىسىمدى ايتامىن! كەلەسى جىلدى اسىعا كۇتەمىن»،- دەدى ول.
ۇقساس جاڭالىقتار
