باس پروكۋروردىڭ ورىنباسارى عالىمجان قويگەلديەۆ ەكونوميكالىق جانە سىبايلاس جەمقورلىق قىلمىستارىمەن كۇرەس اگەنتتىگىنىڭ ەكس-توراعاسى قايرات قوجامجاروۆقا قاتىستى تەرگەۋ جۇمىستارىنىڭ بارىسى تۋرالى ايتتى، دەپ حابارلايدى «ادىرنا» ءتىلشىسى.
ول قىلمىستىق ءىستىڭ تەرگەلىپ جاتقانىن، الايدا قوجامجاروۆتىڭ پروتسەسسۋالدىق مارتەبەسى ازىرگە انىقتالماعانىن مالىمدەدى.
«قالعانىنىڭ ءبارى تەرگەۋ قورىتىندىسى بويىنشا شەشىلەدى»، — دەدى باس پروكۋروردىڭ ورىنباسارى ماجىلىستەگى بريفينگتە.
ايتا كەتەيىك، قوجامجاروۆ – بۇرىنعى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ توراعاسى، قازاقستاننىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىن باسقارعان. قارجى پوليتسياسىنىڭ گەنەرال-مايورى. ءار جىلدارى اقمولا وبلىسىنىڭ اكىمى، قازاقستان رەسپۋبليكاسى قاۋىپسىزدىك كەڭەسىنىڭ حاتشىسى قىزمەتتەرىن اتقارعان.
قولدا بار مالىمەتتەرگە سايكەس، قوجامجاروۆ ەلدەن شىعىپ كەتكەن جانە قازىرگى ۋاقىتتا ماسكەۋدە جۇرگەنى حابارلاندى. ونىڭ كەتۋى تەرگەۋدىڭ قىزعان شاعىنا ءدال كەلىپ، قوعامدا ۇلكەن پىكىرتالاس تۋدىردى.
