قاراعاندىدا تاكسي جۇرگىزۋشىسىنە شابۋىل جاسالدى، دەپ حابارلايدى “ادىرنا” ۇلتتىق پورتالى.
كۋاگەرلەر تاكسي جۇرگىزۋشىسىنە جاسالعان شابۋىلدى ۆيدەوعا ءتۇسىرىپ العان، كادردا اتىسقا ۇقساس دىبىستار بولعان، جابىرلەنۋشى اۋرۋحاناعا جاتقىزىلدى.
- 27 قازان كۇنى ساعات 22:10 شاماسىندا 55 جاستاعى جولاۋشى مەن 35 جاستاعى تاكسي جۇرگىزۋشىسى اراسىندا جانجال شىققان. قازىر وقيعانىڭ ءمان-جايى انىقتالۋدا. وقيعانىڭ سەبەپتەرى تۋرالى قوسىمشا حابارلايتىن بولامىز، - دەدى قاراعاندى وبلىسى دپ ءباسپاسوز قىزمەتى.
اتالعان فاكتى تىركەلىپ، تەرگەۋ امالدارى جۇرگىزىلۋدە.
”ادىرنا” ۇلتتىق پورتالى
