بۇرىنعى سەناتور، باس پروكۋرور قايرات قوجامجاروۆتىڭ بۇرىنعى قول استىنداعى قىزمەتكەرى «قورعاس ءىسى» بويىنشا قاماۋعا الىندى، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
"كەشە، 8 قاڭتار سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالالىق دەپارتامەنتىنىڭ بۇرىنعى قىزمەتكەرى كەنجەباي جۇمابەكوۆ "قورعاس ءىسى" بويىنشا قاتىسۋشى ءارى ورىنداۋشىسى رەتىندە قاماۋعا الىندى", - دەلىنگەن حابارلامادا.
دەرەككوزدىڭ ايتۋىنشا، جۇمابەكوۆ قارجى پوليتسياسىنىڭ بۇرىنعى اگەنتى، قاڭتار وقيعاسى بويىنشا ايىپتالۋشى، «بەتون» لاقاپ اتى بار تالعات ماحاتوۆتىڭ جاقىن دوسى.
ەستەرىڭىزگە سالا كەتەيىك، 2023 جىلدىڭ 11 جەلتوقسانىندا قوجامجاروۆتىڭ قول استىنداعى قارجى پوليتسياسىنىڭ بۇرىنعى قىزمەتكەرى ۇلان ماديەۆ «قورعاس ءىسى» بويىنشا كۇدىكتى دەپ تانىلعان قىزداردىڭ زورلانۋىنا بايلانىستى ۇستالعان بولاتىن. ماتەريالداردا ماديەۆتىڭ، قارجى پوليتسياسىنىڭ بۇرىنعى جوعارى لاۋازىمدى قىزمەتكەرى تالعات تاتۋباەۆتىڭ جانە الماتى وبلىستىق قارجى پوليتسياسى دەپارتامەنتىنىڭ بۇرىنعى باسشىسى سەرگەي ءپوتانيننىڭ ەسىمدەرى بار.
ءبىر قىزىعى، قورعاستاعى كونتراباندانىڭ بەنەفيتسيارلارى رەتىندە ماديەۆ، تاتۋباەۆ جانە الماتى قالاسى بويىنشا قارجى پوليتسياسىنىڭ بۇرىنعى باستىعى ماقسات دۇيسەنوۆ جاي عانا اتالسا، قوجامجاروۆتىڭ ءوزى وسى قىلمىستىق سحەمالاردىڭ نەگىزگى پايدا الۋشىسى دەپ اتالادى.
ماديەۆتىڭ ۇستالعانى تۋرالى ماتەريال جاريالانار الدىندا الماتىنىڭ ناۋرىزباي اۋدانىنىڭ ەكس-پروكۋرورى جالعان ءىس بويىنشا سوتتالعان جانە جوعارعى سوت اقتاپ شىققان ۆيكتور تيحونوۆ قوجامجاروۆتىڭ قاراماعىنداعىلاردىڭ «قورعاس ءىسى» بويىنشا باستى كۋاگەردى ولتىرۋگە قاتىسى بار بولۋى مۇمكىن ەكەنىن اتاپ وتكەن بولاتىن.
ايتا كەتەيىك، 2023 جىلدىڭ 15 جەلتوقسانىندا اتىشۋلى «قورعاس ءىسى» بويىنشا تەرگەۋدىڭ قايتا باستالعانى رەسمي تۇردە راستالدى.
"ادىرنا" ۇلتتىق پورتالى
