Bas prokurordyŋ orynbasary Ǧalymjan Qoigeldiev Ekonomikalyq jäne sybailas jemqorlyq qylmystarymen küres agenttıgınıŋ eks-töraǧasy Qairat Qojamjarovqa qatysty tergeu jūmystarynyŋ barysy turaly aitty, dep habarlaidy «Adyrna» tılşısı.
Ol qylmystyq ıstıŋ tergelıp jatqanyn, alaida Qojamjarovtyŋ prosessualdyq märtebesı äzırge anyqtalmaǧanyn mälımdedı.
«Qalǧanynyŋ bärı tergeu qorytyndysy boiynşa şeşıledı», — dedı bas prokurordyŋ orynbasary Mäjılıstegı brifingte.
Aita keteiık, Qojamjarov – būrynǧy Sybailas jemqorlyqqa qarsy ıs-qimyl ūlttyq biurosynyŋ töraǧasy, Qazaqstannyŋ Memlekettık qyzmet ısterı jäne sybailas jemqorlyqqa qarsy ıs-qimyl agenttıgın basqarǧan. Qarjy polisiiasynyŋ general-maiory. Är jyldary Aqmola oblysynyŋ äkımı, Qazaqstan Respublikasy Qauıpsızdık keŋesınıŋ hatşysy qyzmetterın atqarǧan.
Qolda bar mälımetterge säikes, Qojamjarov elden şyǧyp ketken jäne qazırgı uaqytta Mäskeude jürgenı habarlandy. Onyŋ ketuı tergeudıŋ qyzǧan şaǧyna däl kelıp, qoǧamda ülken pıkırtalas tudyrdy.
