استانا قالاسىنداعى №100 مەكتەپتە مۇقاعالي ماقاتاەۆتىڭ 95 جىلدىق مەرەيتويىنا ارنالعان تاعىلىمدى كەزدەسۋ كەشى ءوتتى.
ءىس-شاراعا مۇقاعالي ماقاتاەۆتىڭ تۋعان جەرى قاراسازداعى مۋزەيىنىڭ نەگىزىن قالاۋشى، مۇقاعاليتانۋشى عالىم جۇماش وتەەۆتىڭ جارى، التىن القا يەگەرى، زەينەتكەر-ۇستاز تىلەۋحان مەرگەنباەۆا مەن قىزى اراي جۇماشقىزى ارنايى قوناق رەتىندە قاتىستى.
كەزدەسۋ بارىسىندا «قاراسازداعى مۋزەي قالاي ومىرگە كەلدى؟»، «قاراسازدىق فەنومەن دەگەن نە؟»، «مۇقاعالي مۇراسى قالاي زەرتتەلىپ جاتىر؟» دەگەن سىندى وزەكتى سۇراقتار كەڭىنەن تالقىلاندى.
ەلورداعا الماتى وبلىسى، رايىمبەك اۋدانى، قاراساز اۋىلىنان ارنايى كەلگەن تىلەۋحان مەرگەنباەۆا اقيىق اقىنمەن كەزدەسكەن ساتتەرىن اڭگىمەلەپ، كورگەن-بىلگەن، ەستىگەن ەستەلىكتەرىمەن ءبولىسىپ، تىڭ مالىمەتتەر ۇسىندى.
شارا اياسىندا مەكتەپ وقۋشىلارى مۇقاعالي ماقاتاەۆتىڭ ولەڭدەرىن جاتقا وقىپ، اندەرىن ورىنداپ، اقىن رۋحىنا تاعزىم ەتتى. سونىمەن قاتار، №100 مەكتەپتىڭ 9 ء«ا» سىنىپ وقۋشىسى تۇرسىنالى مەيىرمان جۇماش وتەەۆكە ارنالعان ارناۋىن وقىپ، كوپشىلىككە اسەرلى ءسات سىيلادى.
تاعىلىمدى كەش جاس ۇرپاقتىڭ ۇلتتىق ادەبيەتكە، رۋحاني مۇراعا دەگەن قىزىعۋشىلىعىن ارتتىرىپ، مۇقاعالي پوەزياسىنىڭ ماڭگىلىك قۇندىلىعىن تاعى ءبىر مارتە ايقىنداي ءتۇستى.
