Astana qalasyndaǧy №100 mektepte Mūqaǧali Maqataevtyŋ 95 jyldyq mereitoiyna arnalǧan taǧylymdy kezdesu keşı öttı.
Is-şaraǧa Mūqaǧali Maqataevtyŋ tuǧan jerı Qarasazdaǧy muzeiınıŋ negızın qalauşy, mūqaǧalitanuşy ǧalym Jūmaş Öteevtıŋ jary, altyn alqa iegerı, zeinetker-ūstaz Tıleuhan Mergenbaeva men qyzy Arai Jūmaşqyzy arnaiy qonaq retınde qatysty.
Kezdesu barysynda «Qarasazdaǧy muzei qalai ömırge keldı?», «Qarasazdyq fenomen degen ne?», «Mūqaǧali mūrasy qalai zerttelıp jatyr?» degen syndy özektı sūraqtar keŋınen talqylandy.
Elordaǧa Almaty oblysy, Raiymbek audany, Qarasaz auylynan arnaiy kelgen Tıleuhan Mergenbaeva aqiyq aqynmen kezdesken sätterın äŋgımelep, körgen-bılgen, estıgen estelıkterımen bölısıp, tyŋ mälımetter ūsyndy.
Şara aiasynda mektep oquşylary Mūqaǧali Maqataevtyŋ öleŋderın jatqa oqyp, änderın oryndap, aqyn ruhyna taǧzym ettı. Sonymen qatar, №100 mekteptıŋ 9 «Ä» synyp oquşysy Tūrsynaly Meiırman Jūmaş Öteevke arnalǧan arnauyn oqyp, köpşılıkke äserlı sät syilady.
Taǧylymdy keş jas ūrpaqtyŋ ūlttyq ädebietke, ruhani mūraǧa degen qyzyǧuşylyǧyn arttyryp, Mūqaǧali poeziiasynyŋ mäŋgılık qūndylyǧyn taǧy bır märte aiqyndai tüstı.
