ءانشى ەرنار ايدارعا جول ەرەجەسىن بۇزعانى ءۇشىن ايىپپۇل سالىندى، دەپ حابارلايدى “ادىرنا”.
الەۋمەتتىك جەلىدە ءانشى ەرنار ايداردىڭ كولىگىمەن تارازدا جولدىڭ ءدال ورتاسىندا تۇرعان ۆيدەوسى جاريالاندى. جەلى قولدانۋشىلارىنىڭ نارازىلىعىنان كەيىن پوليتسيا ۆيدەوعا رەاكتسيا ءبىلدىردى.
ۆيدەودا ەرنار ايدار جولدىڭ ءدال ورتاسىندا تۇرىپ جاڭا ساتىپ العان كولىگىن كورسەتەدى. جامبىل وبلىسى پوليتسيا دەپارتامەنتىنىڭ اتاپ وتۋىنشە، جول تالعامايتىن كولىك جول قوزعالىسى ەرەجەلەرىن ورەسكەل بۇزعان. زاڭ بۇزۋشىلىق بەينەلەنگەن ۆيدەو اشىق دەرەككوزدەردە جاريالانىپ، قوعامدا ۇلكەن تالقىلاۋ تۋدىردى.
«ا. ەسىمدى ازامات اكىمشىلىك قۇقىق بۇزۋشىلىق تۋرالى كودەكستىڭ بىردەن ءۇش بابى بويىنشا اكىمشىلىك جاۋاپكەرشىلىككە تارتىلدى. كولىك قۇرالىن توقتاتۋ نەمەسە تۇراققا قويۋ قاعيدالارىن بۇزعانى، جول بەلگىلەرىمەن نەمەسە جولدىڭ ءجۇرۋ بولىگىندەگى تاڭبالارمەن كورسەتىلگەن تالاپتاردى ساقتاماعانى، سونداي-اق جولدى بەلگىلەنبەگەن جەردەن وتكەنى ءۇشىن قۇقىق بۇزۋشىعا ايىپپۇل سالىندى»، – دەپ حابارلادى پوليتسيادان.
انشىگە ايىپپۇل سالىندى.
