ەكىباستۇزداعى جەو-عا تاعى دا ايىپپۇل سالىندى. بۇل تۋرالى پاۆلودار وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
بۇل جولى بۇزۋشىلىقتار سانيتارلىق دارىگەرلەر ستانتسيانىڭ وندىرىستىك ءۇي-جايلارىن جوسپاردان تىس تەكسەرۋ كەزىندە انىقتالدى. ستانتسيا شاڭعا تولى، سالقىن جانە جارىقتاندىرىلماعان بولىپ شىقتى.
پاۆلودار وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ حابارلاۋىنشا، بىرنەشە تسەحقا جوسپاردان تىس تەكسەرۋ وبلىستىق پروكۋراتۋرانىڭ تاپسىرماسى بويىنشا جۇرگىزىلدى.
"سانيتارلىق نورمالاردىڭ بۇزىلۋى، ونىڭ ىشىندە جۇرگىزىلگەن زەرتحانالىق-اسپاپتىق ولشەۋلەر بويىنشا سايكەسسىزدىكتەر انىقتالدى. كتتس جۇمىس ايماعىنىڭ اۋاسىنداعى شاڭنىڭ ارتۋى، ءۇي - جايلاردىڭ تەمپەراتۋراسى مەن جارىقتاندىرۋىنىڭ، ەمو كەرنەۋلىگىنىڭ، قولدانىستاعى گيگيەنالىق نورماتيۆتەرگە سايكەس اۋىزسۋ رەجيمىنىڭ سايكەس كەلمەۋى بايقالدى", – دەپ حابارلادى ۆەدومستۆودان.
سانيتارلىق دارىگەرلەردىڭ ايتۋىنشا، جۇمىسشىلاردىڭ ارنايى كيىمدەرىن جۋعا ارنالعان كىر جۋاتىن ورىن دا دۇرىس ەمەس جۇمىس ىستەگەن.
"اكتىدە 10 گرادۋستان تومەن نەمەسە 26 گرادۋستان جوعارى اۋا تەمپەراتۋراسىندا ىستىق شايمەن نەمەسە سالقىنداتىلعان اۋىز سۋمەن قامتاماسىز ەتەتىن ارنايى ىدىستاردىڭ جوق", – دەپ ناقتىلادى وڭىرلىك سانيتارلىق-ەپيدەميولوگيالىق باقىلاۋ دەپارتامەنتى.
تەكسەرۋ قورىتىندىسى بويىنشا "ەكىباستۇزجىلۋەنەرگو" جشس اكىمشىلىك جازاعا تارتىلدى.
"ەكىباستۇزجىلۋەنەرگو" جشس قر اقبتك-ءنىڭ 425-بابىنىڭ 1-بولىگى بويىنشا "حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قر زاڭناماسىنىڭ تالاپتارىن، سونداي-اق ادام دەنساۋلىعىنا زيان كەلتىرۋگە اكەپ سوقپاعان گيگيەنالىق نورماتيۆتەردى، تەحنيكالىق رەگلامەنتتەردى بۇزۋ" بويىنشا جالپى سوماسى 1600 اەك (5 520 000 تەڭگە) اكىمشىلىك جاۋاپكەرشىلىككە تارتىلدى", – پاۆلودار وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنەن حابارلادى.
