تالعات بايسۋفينوۆ فۋتبولدان قازاقستان ۇلتتىق قۇراماسىنىڭ باس باپكەرى بولىپ تاعىندالدى. بۇل تۋرالى بۇگىن، 28 قاڭتاردا فەدەراتسيانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ول 2025 جىلدىڭ قازانىندا ۇلتتىق قۇراما تىزگىنىن ءۇشىنشى رەت ۇستاعان. ءبايسۋفينوۆتىڭ جەتەكشىلىگىمەن كوماندا 2026 جىلعى الەم چەمپيوناتىنىڭ ىرىكتەۋ كەزەڭىندە بىرقاتار ماتچ وتكىزگەن. اتاپ ايتقاندا، قازاقستان ۇلتتىق قۇراماسى ليحتەنشتەيندى 4:0 ەسەبىمەن جەڭىپ، سولتۇستىك ماكەدونيا (1:1) جانە بەلگيا (1:1) قۇرامالارىمەن تەڭ تۇسكەن.
بۇعان دەيىن تالعات بايسۋفينوۆ 2016-2017 جانە 2020-2022 جىلدار ارالىعىندا ۇلتتىق قۇرامانىڭ باس باپكەرى قىزمەتىن ەكى رەت اتقارعان ەدى.
2025 جىلدىڭ جەلتوقسانىندا بايسۋفينوۆ فۋتبولدان قازاقستان ۇلتتىق قۇراماسىنىڭ باس باپكەرى مىندەتىن ۋاقىتشا اتقاراتىن بولىپ بەكىتىلگەن بولاتىن.
ايتا كەتەيىك، تالعات بايسۋفينوۆ بىرقاتار وتاندىق فۋتبول كلۋبىندا باپكەر بولدى. ءار جىلدارى «ەسىل-بوگاتىر» (پەتروپاۆل), «اقسۋ»، «ەرتىس» (پاۆلودار), «اقجايىق» (ورال) كلۋبتارىن باسقارىپ، سونداي-اق قازاقستان جاستار قۇراماسىمەن جۇمىس ىستەدى. فۋتبولشى مانسابىندا «ەرتىس»، «مەتاللۋرگ»، «ەڭبەك»، «ەكيباستۋزەتس»، «جەتىسۋ» جانە «ۆوستوك» كلۋبتارىندا وينادى.
