بۇگىن، 19 ماۋسىمدا پرەزيدەنت قاسىم-جومارت توقاەۆ بەكزات ساتتارحانوۆ اتىنداعى سپورت كەشەنىن ارالادى، دەپ حابارلايدى «ادىرنا» ءتىلشىسى.
ەلوردادا ورنالاسقان كەشەن اۋماعىندا فۋتزال، ۆولەيبول مەن باسكەتبول الاڭدارى، بوكس، دزيۋدو، قازاق كۇرەسى جانە باسقا دا سپورت تۇرلەرىمەن شۇعىلدانۋعا ارنالعان جەكپە-جەك زالدارى بار.
پرەزيدەنت بۇقارالىق سپورتتى دامىتۋ ءۇشىن وسىنداي كەشەندەردى كوپتەپ سالۋ قاجەت ەكەنىن ايتتى. سونداي-اق جاس بوكسشىلارمەن جانە فۋتبولشىلارمەن اڭگىمەلەستى.
كەزدەسۋ بارىسىندا جاس سپورتشىلاردىڭ ءبىرى قازاقستان قۇراماسىنا كىرىپ، فۋتبولدان الەم چەمپيوناتىن جەڭىپ العىسى كەلەتىنىن جەتكىزدى. سول ساتتە مەملەكەت باسشىسى نەمەرەسىنىڭ دە وسى سپورت تۇرىمەن اينالىساتىنىن ايتتى.
«مەنىڭ نەمەرەم دە فۋتبول وينايدى. ول – قاقپاشى»،– دەدى قاسىم-جومارت توقاەۆ.
ايتا كەتەيىك، قاسىم-جومارت توقاەۆتىڭ تيمۋر ەسىمدى ءبىر ۇلى بار.
