مەملەكەت باسشىسىنىڭ جارلىعىمەن سۆەتلانا قابىكەنقىزى جاقىپوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنان بوساتىلدى، دەپ حابارلايدى "ادىرنا" ۇلتتىق پورتالى.
سۆەتلانا جاقىپوۆا مينيسترلىكتى 2023 جىلدىڭ قىركۇيەگىنەن باستاپ باسقارعان، ال 2024 جىلدىڭ اقپان ايىندا قايتا تاعايىندالعان بولاتىن.
سۆەتلانا قابىكەنقىزى1968 جىلى قاراعاندى وبلىسىندا تۋعان، ءبىلىمى بويىنشا تسەلينوگراد مەملەكەتتىك پەداگوگيكالىق ينستيتۋتى مەن الماتى ەكونوميكا جانە ستاتيستيكا اكادەمياسىن بىتىرگەن.
ەڭبەك جولىن 1984 جىلى قاراوي ورتا مەكتەبىندە مۇعالىم بولىپ باستاعان، كەيىن تسەلينوگراد قالاسىنداعى مەكتەپتە ماتەماتيكا پانىنەن ساباق بەرگەن.
1997–2008 جىلدارى «زەينەتاقى تولەۋ جونىندەگى ورتالىعى» مەملەكەتتىك قازىنالىق كاسىپورنىندا ءارتۇرلى لاۋازىمداردا قىزمەت اتقارعان. 2008–2011 جىلدارى ەڭبەك جانە حالىقتى الەۋمەتتىك قورعاۋ مينيسترلىگىنىڭ دەپارتامەنتىن باسقارعان. 2013–2019 جىلدارى ءمينيستردىڭ ورىنباسارى، 2020–2023 جىلدارى بۇۇ دامۋ باعدارلاماسىندا ۇلتتىق ساراپشى بولعان. 2023 جىلعى ماۋسىم ايىنان قىركۇيەككە دەيىن پرەزيدەنت جانىنداعى حالىقتىڭ الەۋمەتتىك جاعىنان وسال ساناتتارىنىڭ قۇقىقتارى جونىندەگى ۋاكىل قىزمەتىن اتقارعان.
