ءۇندىستاندا نيپاح ۆيرۋسىنىڭ تارالۋىنا بايلانىستى مەملەكەتتىك شەكاراداعى بارلىق وتكىزۋ پۋنكتتەرىندە سانيتارلىق-كارانتيندىك باقىلاۋ كۇشەيدى. بۇل جايلى دەنساۋلىق ساقتاۋ مينيسترلىگى مالىمدەدى، دەپ حابارلايدى "ادىرنا".
ء«ۇندىستاننان جانە اۋرۋ تىركەلگەن وڭتۇستىك-شىعىس ازيانىڭ باسقا ەلدەرىنەن كەلگەن ادامدارعا ەرەكشە نازار اۋدارىلادى. وسى ينفەكتسيا بويىنشا قولايسىز ەلدەردىڭ تىزبەسى تۇراقتى نەگىزدە قايتا قارالادى جانە جاڭارتىلادى»، – دەپ حابارلادى ۆەدومستۆونىڭ ءباسپاسوز قىزمەتى.
اقپاراتقا سايكەس، ارلىق مەديتسينالىق ۇيىمدارعا ارنايى ەسكەرتۋ بەرىلگەن. ەگەر ەلگە ينفەكتسيا كەلە قالسا، جەدەل جاردەم بريگادالارى مەن ينفەكتسيالىق اۋرۋحانالار كەز كەلگەن ۋاقىتتا ناۋقاستاردى قابىلداۋعا دايىن دەيدى مينيسترلىكتەن. ازىرگە نيپاح ۆيرۋسىمەن اۋىرعان قازاقستاندىقتار تىركەلمەگەن.
ۆيرۋس تاراپ جاتقان ەلدەرگە ساپار شەگەتىن جولاۋشىلار جەكە باس گيگيەناسىن قاتاڭ ساقتاۋى كەرەك. ەگەر شەتەلدەن ورالعاننان كەيىن قىزۋ، بورتپە، جوتەل سياقتى بەلگىلەر بايقالسا، مىندەتتى تۇردە دارىگەرگە قارالۋ قاجەت.
نيپاح ۆيرۋسى ادامعا جانۋارلاردان، سونىڭ ىشىندە جارقاناتتار مەن شوشقالاردان جۇعادى. لاستانعان تاعامدار مەن سۋسىندار ارقىلى بەرىلۋى مۇمكىن. بۇل اۋرۋمەن اۋىرعان جوعارى تەمپەراتۋرا، باس اۋرۋى، جالپى السىزدىك، ال اۋىر جاعدايلاردا ورتالىق نەرۆ جۇيەسىنىڭ زاقىمدالۋى، پنەۆمونيا بولۋى مۇمكىن.
قازىر بۇل ۆيرۋسقا قارسى ماقۇلدانعان ۆاكتسينا جوق.
