قاراعاندىدا رەسەي فەدەراتسياسىنان اكەلىنگەن قىزاناق تۇقىمدارىنىڭ 130 قاپتاماسىنان سىناما الدى. بۇل تۋرالى اشم فيتوسانيتاريالىق قاۋىپسىزدىك قىزمەتى جازدى، دەپ حابارلايدى «ادىرنا» ءتىلشىسى.
«فيتوسانيتاريا» رمك جۇرگىزگەن كارانتيندىك فيتوسانيتاريالىق ساراپتاما قورىتىندىسى بويىنشا زەرتتەلگەن ۇلگىلەردەن كارانتيندىك نىساندار قاتارىنا جاتاتىن قىزاناق جەمىستەرىنىڭ قوڭىر قاتپارلى ۆيرۋسى (Tomato brown rugose fruit virus, ToBRFV) انىقتالدى. اكىمشىلىك ءىس ماتەريالدارى قازاقستاننىڭ قولدانىستاعى زاڭناماسىنا سايكەس پروتسەستىك شەشىم قابىلداۋ ءۇشىن سوتقا جولداندى»،– دەلىنگەن حابارلامادا.
اۋىل شارۋاشىلىعى مينيسترلىگى سىرتقى ساۋداعا قاتىسۋشىلارعا ەل اۋماعىنا كارانتينگە جاتقىزىلعان ءونىمدى اكەلۋ كەزىندە وسىمدىكتەر كارانتينى سالاسىنداعى زاڭناما تالاپتارى مەن فيتوسانيتاريالىق نورمالاردى قاتاڭ ساقتاۋ قاجەتتىگىن ەسكە سالدى.
